दोघेही रंगाने सावळे, मग मुल गोरं कसं झालं? नवऱ्याकडून चारित्र्यावर संशय, बायकोला झोपेतच संपवलं

बिहारच्या कटिहार जिल्ह्यातून एक भयानक घटना समोर आली आहे. नवऱ्यानं बायकोची निर्घृण हत्या केली आहे. तिची गळा चिरून हत्या केली आहे. महिलेनं दुसऱ्या बाळाला तीन महिन्यांपूर्वी जन्म दिला होता. मुलाचा रंग उजळ होता. त्यामुळे नवऱ्याला संशय येऊ लागला. याच संशयातून पतीनं पत्नीसोबत नेहमी भांडत होता. या भांडणाच्या रागातून नवऱ्यानं बायकोची गळा चिरून हत्या केली. घटनेची माहिती मिळताच पोलिसांनी घटनास्थळी धाव घेत आरोपीविरोधात खुनाचा गुन्हा दाखल केला.

ही धक्कादायक घटना बिहारच्या कटिहर जिल्ह्यातील आबादपूर पोलीस स्टेशन हद्दीतील नारायणपूर गावात घडली. मौसमी दास (वय वर्ष २२) असे मृत महिलेचं नाव आहे. तर, सुकूमार दास असे पतीचे (आरोपी) नाव आहे. मौसमी २ लहान मुलांची आई होती. लहान मुल तीन महिन्यांपूर्वी झालं होतं. कुटुंबातील सदस्यांच्या म्हणण्यानुसार, तीन महिन्यांपूर्वी मौसमीने दुसऱ्या मुलाला जन्म दिला होता. मुलाचा रंग गोरा पाहून पतीला संशय येऊ लागला.

पतीनं पत्नीच्या चारित्र्यावर संशय घेतला होता. पती आणि पत्नीचा रंग सावळा असल्याकारणाने, तो मुलाला स्वत:चे मानत नव्हता. या संशयामुळे दोघांमध्ये सतत वाद झाले होते. दोघेही अनेक महिन्यांपासून एकमेकांशी भांडत होते. पत्नी माहेरी गेली होती. पती घटनेच्या आदल्या दिवशी पत्नीच्या माहेरी गेला. रात्रीच्या अंधारात पतीनं धारदार शस्त्राने मौसमीचा गळा चिरला. त्यानं तिच्या प्रायव्हेट पार्टवरही वार केले.

नंतर तेथून आरोपी पसार झाला. यानंतर मृत महिलेचे वडील षष्ठी दास यांनी आरोपीविरोधात पोलीस ठाण्यात तक्रार दाखल केली. घटनेची माहिती मिळताच आबादपूर पोलीस ठाण्यातील पोलीस घटनास्थळी दाखल झाले. तसेच मृतदेह ताब्यात घेत शवविच्छेदनासाठी रूग्णालयात पाठवले. पोलीस अधिकारी शादाब अहमद यांनी सांगितले की, आरोपी सुकुमार दासविरूद्ध खुनाचा गुन्हा दाखल करण्यात आला आहे. त्याचा शोध सुरू आहे. दरम्यान, या घटनेनंतर परिसरात खळबळ उडाली आहे.