Bihar Elections: एनडीएला मोठा धक्का; निवडणूक न लढताच गमावली एक जागा ? काय कारण, पराभूत उमेदवार कोण?

बिहार विधानसभा निवडणुकीपूर्वी एनडीएला मोठा धक्का बसलाय. छपरा जिल्ह्यातील मढौरा विधानसभा मतदारसंघातील एनडीएचा उमेदवार पराभूत झाला आहे. उमेदवाराचा उमेदवारी अर्ज रद्द करण्यात आला आहे. दरम्यान या जागेवरून लोक जनशक्ती पक्षाच्या (रामविलास) उमेदवार सीमा सिंह या निवडणुकाच्या मैदानात उतरल्या होत्या. मात्र त्या पराभूतच झाल्याचं म्हटलं जात आहे.

उमेदवारी अर्ज का झाला रद्द,एनडीएने एक जागा कशी गमावली?

उमेदवारांच्या अर्जांची पडताळणी केली जात आहे. यादरम्यान सीमा सिंह यांचा उमेदवारी अर्जामध्ये काही त्रुटी आढळल्या आहेत. त्यामुळे निवडणूक आयोगाने त्यांचा उमेदवारी अर्ज रद्द केला आहे. सीमा सिंह यांचे उमेदवारी अर्ज रद्द झाल्यानंतर, मढैरा मतदारसंघात एनडीएची स्थिती कमकुवत मानली जातेय. या जागेवर पहिल्या टप्प्यात मतदान होणार आहे. तर यासाठी उमेदवारी अर्ज भरण्याची प्रक्रिया पूर्ण झाली आहे.

मढौरा मतदारसंघात एनडीए आणि महाआघाडीत थेट लढत होणार होती. परंतु सीमा सिंह यांचा उमेदवारी अर्ज रद्द झाल्यानं एनडीएला मोठा धक्का बसलाय. येथे आता थेट लढत राजद आणि जनसुराज पक्ष यांच्यात होईल. मढौरा येथे राजद उमेदवार जितेंद्र कुमार राय आहेत, जे विद्यमान आमदार आणि बिहार सरकारमधील माजी मंत्री आहेत.

कोण आहे सीमा सिंग ?

सीमा सिंगला भोजपुरी चित्रपटसृष्टीतील डान्सिंग क्वीन म्हणून ओळखले जाते. ती तिच्या ग्लॅमरस लूक आणि अभिनय कौशल्यासाठी ओळखली जाते. तिला भोजपुरी चित्रपटसृष्टीची सनी लिओनी म्हणूनही ओळखले जाते. सीमाने भोजपुरी स्टार निरहुआसोबतही काम केले आहे. निरहुआचा सुपरहिट चित्रपट "निरहुआ रिक्शेवाला" मधील "मिसर जी तू तो बाद बडा थंडा" या गाण्याने तिला प्रसिद्धी मिळाली. यातील तिच्या नृत्य कौशल्याने अनेकांना वेड लावलं होतं.