आमदाराचे २ अश्लील व्हिडीओ व्हायरल, तरुणीसोबत आक्षेपार्ह अवस्थेत...; राजकारण तापलं

बिहारमधील बेगुसराय जिल्ह्यातील बाखरी विधानसभा मतदारसंघातील सीपीआय आमदार सूर्यकांत पासवान पुन्हा एकदा वादाच्या भोवऱ्यामध्ये सापडले आहेत. या आमदाराचा एका तरुणीसोबतचा कथित अश्लील व्हिडिओ सोशल मीडियावर व्हायरल झाल्यानंतर बिहारमधील राजकारण चांगलेच तापले आहे. या आमदाराचे तरुणीसोबतचे आक्षेपार्ह स्थितीमधील दोन वेगवेगळे व्हिडिओ फेसबुकवर व्हायरल झाले आहेत.

आमदार सूर्यकांत पासवान यांचे तरुणीसोबतचे आक्षेपार्ह स्थितीमधील फोटो आणि व्हिडीओ सध्या चर्चेचा विषय ठरला आहे. हे व्हिडीओ सकाळपासून सोशल मीडियावर व्हायरल होत आहेत. व्हिडिओ व्हायरल झाल्यानंतर काही तासांतच आमदार सूर्यकांत पासवान यांनी पत्रकार परिषद घेऊन स्पष्टीकरण दिले. हे संपूर्ण व्हिडीओ कट रचून व्हायरल केल्याचे आमदाराने सांगितले. या प्रकरणी आमदाराने पोलिस ठाण्यात तक्रार दाखल केली आहे. आरोपींविरोधात कडक कारवाई करण्यात यावी अशी मागणी त्यांनी केली आहे.

आमदार सूर्यकांत पासवान यांनी सांगितले की, 'हा व्हिडिओ पूर्णपणे एडिट केलेला आहे. माझी प्रतिमा मलिन करण्याचा हा कट आहे.' त्यांनी पुढे असे देखील सांगितले की, त्यांनी अलीकडेच बखरी डीएसपी आणि दारू माफियांच्या संगनमताबद्दल डीजीपीकडे तक्रार दाखल केली होती. त्यांनी आरोप केला की, 'त्यांनी दारू तस्करीबाबत अनेक अधिकाऱ्यांविरोधात आवाज उठवला होता आणि त्याचा बदला म्हणून त्यांनी माझे हे असे व्हिडिओ व्हायरल केले आहेत.'

त्यांनी पुढे असेही सांगितले की, 'असे व्हिडीओ व्हायरल करून माझ्या प्रतिष्ठेवरच नाही तर सत्यासाठी लढणाऱ्या लोकप्रतिनिधींना धमकावण्याचा प्रयत्न आहे.' या प्रकरणी त्यांनी पोलिस ठाण्यात धाव घेत तक्रार दाखल केली. पण बखरी पोलिस प्रशासन आणि डीआयजी रेंजकडून अद्याप कोणतेही अधिकृत विधान आलेले नाही.