वेब सिरिज पाहिली अन् सातवीच्या पोराने टोकाचे पाऊल उचलले, घरातच आयुष्य संपवलं

सातवीतल्या विद्यार्थ्यानं वेब सिरीज पाहून आयुष्य संपवल्याची धक्कादायक बातमी समोर आली आहे. जपानी वेब सिरीज डेथ नोट पाहून त्यानं टोकाचं पाऊल उचललं असल्याची माहिती आहे. मिळालेल्या माहितीनुसार, ७ वर्षीय चिमुकला त्या वेब सिरीजचा मोठा चाहता होता. त्यानं त्याच्या खोलीत डेथ नोट मालिकेतील पात्रांचे फोटो लावले होते. त्यामुळे पोलिसांना या वेब सिरीजमुळे चिमुकल्यानं आयुष्य संपवलं असल्याचा संशय आहे.

ही धक्कादायक घटना बंगळूरूतील अच्छुकट्टू परिसरात घडली आहे. मुलाच्या पालकांनी दिलेल्या माहितीनुसार, सातवीतल्या मुलाला शाळा किंवा घरी कोणतीही समस्या नव्हती. पोलिसांनी मुलाचा मोबाईल फोन जप्त केला आहे.

सध्या पोलिसांकडून अधिक चौकशी सुरू आहे. त्यांचा मुलगा डेथ बुक या मालिकेचा फॅन होता. डेथ बुक ही एक वेब सिरीज ज्यात शालेय विद्यार्थ्याला एक रहस्यमयी नोटबुक सापडते. या नोटबुकचं नाव डेथ नोट असे आहे.

या नोट बुकमध्ये ज्याचे कुणाचे नाव लिहिले असेल, त्याचा मृत्यू होतो. या स्टोरीमध्ये विद्यार्थी नोटबुकचा वापर त्या लोकांना मारण्यासाठी करतो, जे चुकीचं काम करतात, किंवा तो विद्यार्थी चुकीचे मानतो. जेणेकरून तो गुन्हेगारीमुक्त जग निर्माण करू शकेल.

या घटनेनंतर कुटुंबावर दुखा:चा डोंगर कोसळला असून, सध्या पोलिसांकडून अधिक तपास सुरू आहे.