भारतावरील मोठा अनर्थ टळला! दोन राज्यांमध्ये एटीएसची धाड, ८ दहशतवाद्यांना पकडले

गुजरात आणि मध्य प्रदेशातून 'जैश-ए-मोहम्मद' (JeM) या दहशतवादी संघटनेशी संबंधित असलेल्या ८ जणांना अटक करण्यात आली आहे. एटीएसच्या पथकाने पालनपूरमधील भागल गावात या आठ जणांचा शोध लावला. या आठ जणांपैकी सहा जण पालनपूरमधील भागल गावचे रहिवासी आहेत.

गुजरात आणि मध्य प्रदेशातील विविध जिल्ह्यांमध्ये केलेल्या तपासानंतर गुजरात एटीएसने (ATS) या दहशतवादी कारवायांशी संबंधित आठ जणांना अटक केली आहे. हे दहशतवादी गुजरात राज्यात दहशतवादी कारवाया करण्यासाठी एक नेटवर्क उभारण्याचे काम करत होते. या आठ दहशतवाद्यांच्या वेळेवर केलेल्या अटकेमुळे गुजरातमध्ये एका मोठ्या दहशतवादी हल्ल्याचा किंवा घटनेचा धोका टळला आहे.

तसेच दहशतवाद्यांचा कट उघडकीस आला आहे. हे दहशतवादी कोणाच्या संपर्कात होते, याचा शोध घेण्यासाठी एटीएस (ATS) पुढील तपास करत आहे. एटीएसच्या एका पथकाने चौकशी करण्यासाठी तीन जणांना इब्राहिम मोहम्मदच्या घरी नेलंय. पालनपुरनंतर आठ जणांना तोकारिया आणि सिद्धपूरला नेले जाणार आहे.

ओळखल्या गेलेल्या व्यक्तींची नावे आणि ठिकाणे:

इब्राहिम घघा, गाव-भागल, पालनपूर

मुदासीर गाझीवाला गाव भागल

अहमद गाजीवाला, पालनपूर

झकेरिया दुर्राणी घा, पालनपूर

महमूद अब्दुल सावदी, पालनपूर

बिलाल दुराणी घाघा, पालनपूर

मुफ्ती फौजान दौआ- टोकरिया गाव, पालनपूर

महमूद अमीन - गाव शेरा, सिद्धपूर

अनेक ठिकाणी छापेमारी

एटीएसचे उपमहानिरीक्षक सुनील जोशी यांनी सांगितले की, "जैश-ए-मोहम्मदच्या आठ सदस्यांना विविध ठिकाणांहून अटक करण्यात आली. आरोपींनी गुजरातमध्ये 'दारुल इस्लाम गुजरात जैश-ए-मोहम्मद' या नावाने जैश-ए-मोहम्मदशी (JeM) संबंधित एक संघटना स्थापन केली होती. एका गुप्त माहितीच्या आधारे, एटीएसच्या (ATS) पाच विशेष पथकांनी—गुजरातच्या बनासकांठा, मेहसाणा, नवसारी आणि पाटण जिल्ह्यांतील तसेच मध्य प्रदेशातील देवास येथील पोलिसांच्या समन्वयाने—अनेक ठिकाणी एकाच वेळी छापे टाकण्यात आले आहे.