२८ वर्षाच्या महिला डॉक्टरने ९ व्या मजल्यावरून उडी मारली, महिन्याभरात होणार होतं लग्न, नेमकं झालं काय?

Why Dr. Radhika jumped from 9th floor in Surat : गुजरातमधील सुरतमध्ये २८ वर्षीय फिजिओथेरपिस्ट महिला डॉक्टरने आत्महत्या केल्यानं खळबळ उडाली आहे. जानेवारी २०२६ मध्ये तिचे लग्न होणार होते, पण त्याआधीच तिने आयुष्याचा दोर कापला. मृत महिलेचे नाव डॉ. राधिका जमानभाई कोटाडिया असे आहे. २१ नोव्हेंबर रोजी सायंकाळी राधिका यांनी सरथाना परिसरातील बिझनेस हब इमारतीमधील एका कॅफेच्या नवव्या मजल्यावरून उडी मारून आयुष्य संपवले. जिथे आयुष्य संपवले त्या कॅफेमध्ये ती तिच्या होणाऱ्या नवऱ्यासोबत वारंवार जात होती. त्याच्यासोबत वाद झाल्यानंतर तिने हे टोकाचे पाऊल उचलल्याचा आरोप आहे.

डॉ. राधिका एका खासगी रुग्णालयात काम करत होती. काही दिवसांपूर्वीच तिचे लग्न झाले होते. होणार्‍या नवऱ्यासोबत वाद होत होते, त्यामुळे राधिका मानसिक तणावात होती, त्यामधूनच तिने टोकचे पाऊल उचलल्याचे प्राथमिक तपासातून समोर आले आहे. त्या कॅफेमधील लोकांनी अचानक एका तरुणीला पडताना पाहिले, त्यांनी तात्काळ पोलिसांना याबाबत माहिती दिली. पोलिस आणि फॉरेन्सिक टीम घटनास्थळी पोहोचली तात्काळ दाखल झाले. मृतदेह ताब्यात घेऊन पोस्टमॉर्टमसाठी सरकारी रूग्णालयात पाठवण्यात आला आहे. पोलिसांनी घटनास्थळावरून राधिकाचा मोबाईल फोन, हँडबॅग आणि इतर वैयक्तिक कागदपत्रे जप्त केली आहेत. पोलिसांकडून या प्रकरणाचा तपास केला जात आहे.

मिळालेल्या वृत्तानुसार, राधिका या फिजिओथेरपिस्ट म्हणून एका खासगी रूग्णालयात काम करत होत्या. २१ तारखेला सायंकाळी डॉ. राधिका २०-२५ मिनिटे कॅफेमध्ये बसली होती. त्यानंतर रेलिंगकडे गेली अन् उडी मारली. राधिकाचा जानेवारीमध्ये साखरपुडा आणि नंतर लग्न निश्चित झाले होते. सुरत पोलिसांनी डॉक्टरच्या मोबाईल चॅट आणि कॉल रेकॉर्डिंग काढून तिच्या भावी होणाऱ्या नवऱ्याला ती या कॅफेमध्ये अनेकवेळा आली होती, असे समजलेय.

डॉ. राधिका ही जामनगर जिल्ह्यातील रहिवासी आहे. तिचे वडील एका डायमंड कंपनीत काम करतात. तर ती फिजिओथेरपिस्ट म्हणून खासगी क्लिनिक चालवते. ती तिच्या साखरपुड्याबद्दल आणि लग्नाबद्दल खूप आनंदी होती. घटनेच्या दिवशी ती नेहमीप्रमाणे तिच्या फिजिओथेरपी सेंटरमध्ये गेली. त्यानंतर, संध्याकाळी काम संपवून, ती कॅफेमध्ये गेली. फोनवर कुणासोबत तरी बोलली आणि टोकाचे पाऊल उचलले.