Shocking : बाप की हैवान? पोटच्या १६ वर्षीय मुलीवर वर्षभरापासून अत्याचार; गरोदर झाल्यावर नराधमाचा कारनामा उघड

कर्नटकाच्या गडग जिल्ह्यातील मुलांगड पोलीस स्टेशनच्या बद्दीत खळबळजनक घटना घडली आहे. नराधम बापाने पोटच्या लेकीवर अत्याचार केल्याची घटना उघडकीस आली आहे. लेक गरोदर झाल्यावर ५१ वर्षीय बापाचा कारनामा उघड झाला. या प्रकरणी पोलिसांनी बापाला अटक केली आहे. पोलिसांनी पुढील कारवाई देखील सुरु केली आहे.

मिळालेल्या माहितीनुसार, १६ वर्षीय मुलीच्या पायावर सूज आली होती. त्यामुळे मुलगी रुग्णालयात नेण्यात आलं. त्यावेळी स्कॅनिंग आणि रक्त तपासणी केल्यानंतर डॉक्टरांनी पीडित मुलीच्या आईला मुलगी ३१ आठवड्यांची गरोदर असल्याचं सांगितलं. आईने मुलीशी विचारल्यानंतर तिने खुलासा केला. घरात कोणी नसताना वडील मागील एक वर्षांपासून अत्याचार करत असल्याचे मुलीने आईला सांगितले.

वरिष्ठ अधिकाऱ्यांनी सांगितलेल्या माहितीनुसार, आरोपीने मुलीला कुटुंबातील कोणाला सांगितल्यास गंभीर भोगावे लागतील, अशी धमकी दिली होती. 'पीडित मुलीच्या आईने मुलागुंड पोलीस स्टेशनमध्ये दिलेल्या तक्रारीच्या आधारावर भारतीय न्याय संहिता आणि पोक्सो अंतर्गत अत्याचार आणि धमकी दिल्याचा गुन्हा नोंदवण्यात आला आहे. पोलिसांनी मंगळवारी आरोपी बापाला अटक केली.

पीडित मुलीचं समुपदेशन करण्यात आलं आहे. वैद्यकीय चाचणी केल्यानंतर पोलिसांकडून पुढील निर्णय घेण्यात येणार आहे. पीडित मुलीला एक २० वर्षीय मोठी बहीण आहे. तिची बहीण एका रुग्णालयात नर्स म्हणून काम करते. तिला एका लहान भाऊ आहे. छोटा भाऊ इयत्ता पाचवीत शिकत आहे. बापाच्या कारनाम्यामुळे संपूर्ण कुटुंब उद्धस्त झालं आहे.