Mumbai Chembur Firing : मुंबई हादरली! दोघे दुचाकीवरून आले, भर रस्त्यात केला बिल्डरवर गोळीबार

मयूर राणे, साम टीव्ही

मुंबईत गोळीबाराची खळबळजनक घटना घडली आहे. मुंबईच्या चेंबूरमध्ये दुचाकीवरून आलेल्या दोघांनी एकावर गोळीबार केल्याची घटना घडली आहे. मुंबईच्या चेंबूर विभागात झालेल्या गोळीबाराच्या घटनेने परिसरात खळबळ उडाली आहे. या गोळीबारात एक जण जखमी झालं आहे. घटनेची माहिती मिळताच पोलीस घटनास्थळी पोहोचले.

मिळालेल्या माहितीनुसार, मुंबईच्या चेंबूरमधील मैत्रीपार्क भागात बिल्डवर गोळीबार झाल्याची घटना घडली आहे. नवी मुंबईच्या बिल्डरवर गोळीबार करण्यात आला आहे. दोघे जण दुचाकीवरून आले. त्यानंतर त्यांनी बिल्डरवर गोळीबार केला. या गोळीबारात एक जण जखमी झाल्याची माहिती मिळत आहे. जखमी झालेल्या व्यक्तीला तातडीने रुग्णालयात दाखल केले आहे. गोळीबाराची घटना माहीत होताच पोलिसांनी घटनास्थळी धाव घेतली.

मुंबईतील गोवंडी पोलीस ठाण्याच्या हद्दीत ही घटना घडली. चेंबूरच्या डायमंड गार्डन सिग्नलजवळ ५० वर्षीय सद्रुद्दीन खान यांच्यावर गोळीबार झाला. सायन पनवेल महामार्गाने पनवेलला जाताना दुचाकीवर असलेल्या दोघांनी गोळीबार केला. दोघांनी गोळीबार केल्यानंतर परिसरात खळबळ उडाली.

सद्रुद्दीन खान यांच्यावर बुधवारी रात्री ९.५० वाजता गोळीबार झाला. बेलापूरच्या पारसिक हिल परिसरात राहणारे सद्रुद्दीन यांच्यावर दुचाकीवरून आलेल्या दोघांनी गोळीबार केला. दोघांनी केलेल्या गोळीबारात एक जण गंभीर जखमी झाला आहे. त्यानंतर त्याला झेन रुग्णालयात दाखल केले. सध्या या जखमीची प्रकृती स्थिर आहे. मुंबई सारख्या शहरात गोळीबाराची घटना घडल्याने कायदा सुव्यवस्थेवर प्रश्नचिन्ह उपस्थित केले जात आहे.