पुणे हादरलं! गर्लफ्रेंडच्या मित्राने तिच्याच समोर केली जबर मारहाण; तरुणाने उचलले टोकाचे पाऊल

पुणे: पिंपरी चिंचवडमधून एक धक्कादायक घटना समोर आली आहे. गर्लफ्रेंड समोर मारहाण केली म्हणून एका २० वर्षांच्या बॉयफ्रेंड मुलाने आपल्या राहत्या घरात गळफास घेऊन आत्महत्या केल्याची धक्कादायकघटना समोर आली आहे. पिंपरी चिंचवड भोसरी पोलीस (Police) स्टेशन अंतर्गत येणाऱ्या आळंदी रोडवर ही दुर्दैवी घटना घडली आहे. याप्रकरणी एका विरुद्ध गुन्हा दाखल करण्यात आला आहे.

प्रतीक संतोष कुतवळ असं आत्महत्या (Suicide) केलेल्या तरुणाचे नाव आहे. या प्रकरणी प्रथमेश महादू पठारे याच्याविरोधात भोसरी पोलीस ठाण्यात गुन्हा दाखल करण्यात आला आहे.

पोलिसांनी (Police) दिलेली माहिती अशी, प्रतीक संतोष कुतवळ असं त्या तरुणाचे नाव आहे. प्रथमेश महादू पठारे आणि प्रतीक कुतवळची गर्लफ्रेंड ही एकमेकांच्या तोंड ओळखीची होती. जेव्हा प्रतीक आपल्या गर्लफ्रेंडशी बोलत होता, त्यावेळी प्रथमेश महादू पठारे याने त्याला पाहिले आणि त्याचा संताप अनावर झाला.

यावेळी प्रथमेश महादु पठारे याने रागात येऊन प्रतीक कुतवळ याच्या गर्लफ्रेंड समोर त्याला जबर मारहाण केली होती. त्यातूनच त्याच्यात आपला अपमान झाल्याची भावना निर्माण झाली होती. त्यामुळे त्याने २५ जून २०२२ ला आपल्या राहत्या घरात गळफास लावून आत्महत्या केली. या प्रकरणात सखोल तपास करून भोसरी पोलिसांनी (Police) प्रथमेश महादू पठारे या वीस वर्षाय आरोपी विरोधात गुन्हा दाखल केला आहे.