Uddhav Thackeray Video : ना ना करते प्यार... लिफ्टमध्ये देवेंद्र फडणवीसांच्या भेटीवर उद्धव ठाकरेंची पहिली प्रतिक्रिया

Uddhav Thackeray press Conference Video : राज्याचे उपमुख्यमंत्री देवेंद्र फडणवीस यांच्यासोबतच्या भेटीवर उद्धव ठाकरे यांनी प्रतिक्रिया दिलीय. ते नेमके काय म्हणाले वाचा सविस्तर.
Uddhav Thackeray press Conference Video
Uddhav Thackeray press Conference VideoSAAM TV

महाराष्ट्र राज्य विधिमंडळाच्या पावसाळी अधिवेशनाच्या पहिल्या दिवशीच विधानभवनाच्या लिफ्टमध्ये देवेंद्र फडणवीसांसोबत झालेल्या भेटीनंतर राज्याच्या राजकीय वर्तुळात चर्चांना उधाण आलं आहे. या भेटीवर आता स्वतः उद्धव ठाकरे यांनी स्पष्टीकरण दिलं आहे. 'ना ना करते प्यार, तुमसें कर बैठे' असं काही नाही, असं ठाकरे म्हणाले.

विधानसभेच्या पावसाळी अधिवेशनाच्या पहिल्याच दिवशी राजकारण ढवळून काढणारी अनपेक्षित घटना घडली. विधानभवन परिसराच्या लिफ्टमध्ये उद्धव ठाकरे आणि देवेंद्र फडणवीस यांची भेट झाली. त्यांच्यात काही वेळ संवादही झाला. या भेटीनंतर अनेकांच्या भुवया उंचावल्या. भाजप आणि ठाकरे गटात पुन्हा जवळीक वाढली की काय अशी चर्चा रंगू लागली.

त्याआधी चंद्रकांत पाटील यांनी उद्धव ठाकरेंची भेट घेऊन त्यांना चॉकलेट दिलं होतं. त्यांच्यातही काही मिनिटे संवाद झाला. त्यामुळे या चर्चेला आणखी बळ मिळालं. त्यावर भाजप आणि शिवसेना शिंदे गटासह शिवसेना ठाकरे गटाकडूनही प्रतिक्रिया आल्या आहेत. ही भेट निव्वळ योगायोग होती, असं स्पष्टीकरण देण्यात आलं.

Uddhav Thackeray press Conference Video
Maharashtra Politics: उद्धव ठाकरे- देवेंद्र फडणवीसांची भेट! शिंदे गट, भाजप नेत्यांच्या प्रतिक्रियांनी राजकारण ढवळून निघालं; पाहा VIDEO

लिफ्टला कान नसतात

उद्धव ठाकरे यांनी आज, गुरुवारी दुपारी पत्रकार परिषद घेऊन विधानसभा अधिवेशनात महाविकास आघाडीचा घटकपक्ष म्हणून शिवसेना ठाकरे गटाची काय भूमिका असेल, याबाबत माहिती दिली. शेतकरी कर्जमाफी हा प्रमुख मुद्दा असेल, असे त्यांच्या माहितीवरून स्पष्ट झालं आहे. यावेळी उद्धव ठाकरे यांनी राज्य सरकारवर टीका केली. दुसरीकडे, देवेंद्र फडणवीसांसोबत झालेल्या भेटीवरही कोटी केली.

देवेंद्र फडणवीस आणि मी लिफ्टने एकत्र प्रवास केला. तिथे कुणीही नव्हतं. ते एक गाणं आहे, 'ना ना करते प्यार' याचा नाना पटोलेंशी काही संबंध नाही, अशी कोटी केली. तर ना ना करते प्यार, तुमसें कर बैठे असं आमच्यात काही नाही. ती योगायोगानं झालेली भेट होती. भिंतीला कान असतात असं म्हणतात. पण लिफ्टला कान नसतात. आता गुप्त भेटीसाठी लिफ्ट हे चांगलं ठिकाण आहे, अशी मिश्किल प्रतिक्रियाही उद्धव ठाकरे यांनी यावेळी दिली.

Uddhav Thackeray press Conference Video
Maharashtra Politics: भाजप-ठाकरे गटात जवळीक वाढली? उद्धव ठाकरे-देवेंद्र फडणवीस भेटीनं तुफान चर्चा, VIDEO

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com