लोणावळ्यातील मॅगी पॉईट (lonavala maggi point) आणि सहारा पुलावरील (lonavala sahara bridge) खाद्य पदार्थांच्या टपऱ्या व दुकाने पूर्णपणे बंद करण्यात याव्यात अशी मागणी लोणावळा उपविभागीय पोलीस अधिकारी सत्यसाई कार्तिक (satya sai karthik) यांनी महाराष्ट्र राज्य रस्ते विकास महामंडळ व लोणावळा नगरपरिषद यांच्याकडे केली आहे. (Maharashtra News)
मागील काही दिवसांपासून मुंबई पुणे राष्ट्रीय महामार्गावरील मॅगी पॉईट येथे गुन्हेगारी वाढल्याने पोलीस प्रशासनाकडून हा भाग गुन्हे प्रवण क्षेत्र घोषित करण्यात आला आहे. मागील काही दिवसात याठिकाणी गुन्हेगारी घटना दाखल झाले आहेत. तसेच रस्त्यावर उभ्या राहणाऱ्या वाहनांमुळे तीन मोठे अपघात झाले आहेत.
जिल्हाधिकारी पुणे यांनी ठरवून दिलेल्या वेळेनंतर देखील रात्री उशिरापर्यंत ही दुकाने सुरू असतात. त्यामुळे गुन्हेगारीला खतपाणी मिळत असल्याने गुन्हेगारी रोखण्याच्या दृष्टीने ही मागणी करण्यात आली आहे.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
दोन दिवसांपूर्वी या ठिकाणाहून गंभीर गुन्ह्यातील आरोपी ताब्यात घेण्यात आला आहे. लोणावळ्यात मोठ्या प्रमाणात पर्यटक येत असतात तसेच सतत अती महत्वाच्या व्यक्तीचे दौरे होत असतात. यामुळे वाहतूक कोंडीत भर पडते. याचा पर्यटक व शहरातील स्थानिक नागरिक या सर्वांना त्रास सहन करावा लागतो आहे.
सहारा पुल येथे तर पुलावरच दुकाने लावली जात आहेत. वारंवार सूचना देऊन देखील रहदारीला अडथळा करत ही दुकाने लावली जात असल्याने पोलिसांनी पुढाकार घेऊन लोणावळा नगरपरिषदेकडे कारवाईची मागणी जरी केली असली तरी त्यामुळे टपरी धारकांवर उपासमारीची वेळ येऊ नये याची असे देखील बाेलले जात आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.