![mathadi kamgar sanghatna calls of bandh on 14 december](http://media.assettype.com/saamtv%2F2023-12%2Fd01d7ac5-aa87-4d80-bd7a-437d0a645a47%2FSaam_Templet_Banner_new__10_.jpg?w=480&auto=format%2Ccompress&fit=max)
- सिद्धेश म्हात्रे
माथाडी अधिनियम सुधारणा विधेयक क्रमांक 34 मागे घ्यावे या प्रलंबित मागणीसाठी सरकारचे लक्ष वेधण्यासाठी माथाडी कामगार पुन्हा एकदा आक्रमक झाले आहेत. येत्या 14 डिसेंबरला माथाडी कामगारांनी एक दिवसीय लाक्षणिक बंद पुकारुन सरकारला जागे करण्याचा निर्धार केला आहे. त्याबाबतची माहिती आज (साेमवार) माथाडी कामगार नेते नरेंद्र पाटील (mathadi kamgar leader narendra patil) यांनी नवी मुंबई येथे आयाेजिलेल्या पत्रकार परिषदेत दिली. (Maharashtra News)
नरेंद्र पाटील म्हणाले हे विधेयक आल्यास 80 टक्के माथाडी कायदा मोडीत निघेल. त्यामुळे कामगारांच्या न्याय हक्कावर गदा येईल. आगामी काळात हाेणा-या अधिवेशनात हे विधेयक पुन्हा आणण्याचा प्रयत्न केला जाईल अशी भीती कामगार आणि संघटनेत आहे.
पाटील पुढे म्हणाले हिवाळी अधिवेशनात यासंदर्भात बैठक बोलावून माथाडी संघटनांसोबत चर्चा करून निर्णय घ्यावा अशी आमची सर्वांची मागणी आहे. दरम्यान येत्या 14 डिसेंबरला पुकारण्यात आलेल्या बंदमध्ये एपीएमसी, बंदरे ,गोदाम, कंपन्या मधील माथाडी कामगार सहभागी हाेणार असून महाराष्ट्रातील सर्व माथाडी संघटना यामध्ये सहभागी होणार आहेत असेही पाटील यांनी नमूद केले.
यावेळी ज्येष्ठ सामाजिक कार्यकर्ते डाॅ. बाबा आढाव, आमदार शशिकांत शिंदे (mlc shashikant shinde) यांच्यासह माथाडी कामगार संघटनेचे पदाधिकारी व कार्यकर्ते उपस्थित हाेते.
('साम टीव्ही'चं व्हॉट्सअॅप चॅनल जॉईन करण्यासाठी येथे क्लिक करा)
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.