मयूर राणे, साम टीव्ही प्रतिनिधी
मुंबई : ठाकरे गटाचे खासदार संजय राऊत यांनी पंतप्रधान नरेंद्र मोदी यांच्या रोड शोवरून भाजपवर जोरदार टीका केली आहे. 'मुंबईच्या घाटकोपरमध्ये होर्डिंग कोसळून १८ जणांचा बळी गेला आहे. त्याच घाटकोपरमध्ये नरेंद्र मोदींचा रोड शो आहे. पराभवाच्या भीतीने पंतप्रधान मोदींना रस्त्यावर उतरवलं, अशी टीका संजय राऊत यांनी भाजपवर केली. ते मुंबईत बोलत होते.
'जिथे जिथे पंतप्रधान मोदी जाणार, तिथे शिवसेना, महाविकास आघाडी जिंकणार आहे', असा दावा देखील राऊत यांनी केला. होर्डिंग दुर्घटनेवर बोलताना राऊतांनी भाजपवर टीका केली. 'वादळामुळे होर्डिंग पडली. या प्रकरणातील दोषींवर कारवाई झाली पाहिजे. आता शिवसेनेची सत्ता नाही. भाजपची सत्ता मुंबई महापालिकेवर आहे. तुमचं प्रशासन काय आहे, येथील पालकमंत्री काय करत आहे? असा सवाल राऊतांनी उपस्थित केला.
अनधिकृत होर्डिंगचे मालक भिंडे आणि उद्धव ठाकरे यांच्या एकत्र फोटोवरून भाजपने टीका केली होती. या आरोपांना प्रत्युत्तर देताना संजय राऊत म्हणाले, 'आता कोणाबरोबर कोणाचे फोटो आहेत. मोदी यांच्यासोबत दहा गुंडाचे फोटो आहेत. छगन भुजबळ यांनी जे सांगितलं, ते बरोबर आहे. पैशांनी जीव विकत घेता येता का? मोदी रोड शो करत आहे'.
'ठाणे, मुंबई, नाशिक, भिवंडी, कल्याण आणि दिंडोरी या जागा बहुतेक महाविकास आघाडीच्या असतील. मोदींचा ब्रँड आता संपला आहे. चार जूननंतर त्यांना हिमालयात जायचं आहे. व्यवस्था महाराष्ट्राने केली आहे, अशी टीका देखील राऊतांनी केली.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.