Raj-Uddhav Thackeray Alliance: सात नाहीतर ६ ठिकाणी बंधूंची युती, मुंबईसह 'या' महापालिकेच्या निवडणुका उद्धव ठाकरे अन् राज ठाकरे एकत्र लढणार

राज आणि उद्धव ठाकरे यांची राजकीय वाटाघाट्या पूर्ण झाल्या आहेत. दोन्ही बंधूंमध्ये युतीचा फॉर्म्युलाही ठरलाय. शिवसेना ठाकरे गट राज्यातील सहा महापालिकेच्या निवडणुका एकत्र लढणार आहे. शिवसेना ठाकरे गटाचे प्रमुख उद्धव ठाकरे यांनी गुरुवारी मनसेप्रमुख राज ठाकरे यांची शिवतीर्थ या निवासस्थानी भेट घेतली. या बैठकीत राज-उद्धव ठाकरेंनी विविध मुद्द्यांवर चर्चा केली. यात राज्यातील ६ महानगरपालिकांसाठी युती करण्यात येणार आहे.

महायुतीला थोपवण्यासाठी ठाकरे बंधू युती केलीय. मुंबई महापालिकेसह कल्याण-डोंबिवली, नवी मुंबई, ठाणे, नाशिक, पुणे महापालिकेत ठाकरेंची शिवसेना आणि मनसेची युती झाली आहे. ठाणे महापालिका निवडणुकीच्या अनुषंगाने ठाकरेंच्या शिवसेनेकडून राजन विचारे, तर मनसेकडून अविनाश जाधव यांना जागा वाटपाची चर्चा करण्याची जबाबदारी देण्यात आलीय. तसेच कल्याण-डोंबिवली महापालिकेमध्ये मनसेचे माजी आमदार राजू पाटील, तर ठाकरेंच्या शिवसेनेकडून आमदार वरूण सरदेसाई यांच्याकडे जागा वाटपाच्या चर्चेची जबाबदारी असेन.

ठाकरे बंधूंची इथली युती पक्की

बृहन्मुंबई महानगरपालिका

ठाणे महानगरपालिका

कल्याण-डोंबिवली महानगरपालिका

नवी मुंबई महानगरपालिका

पुणे महानगरपालिका

नाशिक महानगरपालिका

मराठीबहुल भागातील अधिकाधिक प्रभाग मिळावेत यासाठी मनसे आग्रही आहे. ठाकरे गटाकडे विद्यमान नगरसेवक असलेल्य २० ते २५ जागांचीही मनसेकडून मागणी करण्यात आलीय. ठाकरेंकडून शिंदे गटात गेलेल्या काही नगरसेवकांच्या जागांसाठीही मनसे आग्रही असल्याची माहिती समोर येत आहे.

शिवसेना ठाकरे गटाची ताकद असलेल्याच अनेक जागा मनसे मागत असल्याने ठाकरे गटाची गोची झाली आहे. परंतु मनसेची संबंधित प्रभागातील संघटनात्मक ताकद, तगडा उमेदवार बघूनच जागा सोडण्यात येणार आहे. दादर माहिम, वरळी, शिवडी, भायखळा, भांडूप, जोगेश्वरी या मराठीबहुल भागातील प्रभागांसाठी दोन्ही ठाकरे बंधूंमध्ये रस्सीखेच सुरु आहे.