मुंबई-पुणे एक्स्प्रेस वेवर भीषण अपघाताची घटना घडली आहे. कार आणि कंटेनरचा भीषण अपघात झाला. या अपघातामध्ये दोन प्रवाशांचा मृत्यू झाला तर ३ जण जखमी झाले आहेत. जखमी प्रवाशांना उपचारासाठी रुग्णालयामध्ये दाखल करण्यात आले आहे. या अपघातानंतर एक्स्प्रेस वेवर मोठी वाहतूक कोंडी झाली होती. दोन्ही वाहनं बाजूला काढण्यात आली असून वाहतूक सुरळीत झाली आहे.
मिळालेल्या माहितीनुसार, मुंबई-पुणे एक्स्प्रेस वेवर खालापूर हद्दीमध्ये हा भीषण अपघात झाला. पुण्यावरून मुंबईच्या दिशेने येणाऱ्या भरधाव कारने कंटेनरला पाठीमागून धडक दिली. हा अपघात इतका भीषण होता की कारचा चक्काचूर झाला. या अपघातामध्ये दोन जणांचा जागीच मृत्यू झाला. तर ३ जण किरकोरळ जखमी झाले. अपघातानंतर एक्स्प्रेस वेवरील मुंबई लेनवर मोठी वाहतूक कोंडी झाली होती.
अपघाताची माहिती मिळताच पोलिसांनी आणि बचाव पथकाने घटनास्थळी धाव घेतली. अपघातामध्ये जखमी झालेल्या तिघांना तात्काळ खोपोली येथील प्राथमिक आरोग्य केंद्रात उपचारासाठी दाखल करण्यात आले. तर अपघातामधील दोन्ही मृतांचे मृतदेह शवविच्छेदनासाठी पाठवण्यात आले आहेत. ही दोन्ही वाहनं रस्त्याच्या बाजूला काढण्यात आली आहे. त्यानंतर वाहतूक सुरळीत करण्यात आली.
दरम्यान, पुण्यातील विश्रांतवाडी परिसरात कारने दुचाकीला चिरडल्याची घटना घडली. या अपघातामध्ये एकाचा मृत्यू झाला. मध्यरात्री पावणे तीनच्या सुमारास हा अपघात झाला. स्वप्निल प्रदीप खरबडे असे मृत तरुणाचे नाव आहे. स्वप्निल भोसरीतील लांडेवाडीमध्ये राहत होता. आर्मी स्कूलच्या समोर ही अपघाताची घटना घडली होती. यामध्ये स्वप्निलचा जागीच मृत्यू झाला. तर त्याचा मित्र गंभीर जखमी असून त्याच्यावर उपचार सुरू आहेत. याप्रकरणाचा योग्य तपास करावा यासाठी स्वप्निलच्या नातेवाईकांनी विश्रांतवाडी पोलिस स्टेशनसमोर आंदोलन केले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
