Pune Crime: देवाच्या आळंदीत लाजिरवाणं कृत्य, तरूणीचे अपहरण करून अब्रुचे लचके तोडले, किर्तनकार महिलेनं रचला कट

देवाची आळंदी पुण्यातून एक धक्कादायक बातमी समोर येत आहे. एका खासगी वारकरी शिक्षण संस्थेत तरूणीला डांबून ठेवून तिच्यावर वारंवार बलात्कार केला आहे. हा संतापजनक प्रकार आळंदी येथील केळगावातून उघडकीस आली. धक्कादायक बाब म्हणजे पोलीस तपासात या प्रकरणात एका किर्तनकार महिलेचाही सहभाग असल्याचं समोर आलंय. पीडितेनं पाच जणांविरोधात शेवगाव पोलीस ठाण्यात तक्रार दाखल केली असून, पोलिसांकडून सध्या तपास सुरू आहे. या घटनेनंतर सखल मराठा समाजाकडून आळंदी पोलीस ठाण्यात पत्र देत कारवाईची मागणी केली आहे.

नेमकं प्रकरण काय?

२ जून २०२५ रोजी संतप्त ही घटना घडली. पीडित तरूणी घरात एकटी होती. एक महिला तिच्या खोलीत शिरली. तसेच तिला शेताकडे जाण्याचे सांगून घराबाहेर नेलं. त्यानंतर ती ज्या वाटेवरून जात होती, त्यावाटेवर काळ्या रंगाची चारचाकी आली. त्यात आण्णासाहेब आंधळे, प्रविण आंधळे आणि एक अनोळखी व्यक्तीसोबत होती. तिघांनी मिळून तिचे जबरदस्ती अपहरण केले. यावेळी तिने स्वत:च्या बचावासाठी आरडोओरड केली. नंतर आरोपींनी तिला अॅसिड टाकण्याची धमकी दिली.

अपहरण करून तिला मुलींच्या वारकरी शिक्षण संस्थेत नेण्यात आलं. तिथे पोहोचल्यानंतर आण्णासाहेब आंधळे, प्रविण आंधळे, किर्तनकार सुनिता आंधळे आणि अभिमन्यु आंधळे या चोघांनी तिला एका खोलीत डांबून ठेवलं. आण्णासाहेब आंधळे यांनी पीडितेवर वारंवार बलात्कार केल्याची माहिती पीडितेनं दिली. या प्रकरणात पीडितेनं शेवगाव पोलीस ठाण्यात धाव घेत आरोपीविरोधात तक्रार दाखल केली.

पीडितेच्या तक्रारीनुसार पोलिसांनी आण्णासाहेब आंधळे, प्रविण आंधळे, वाहनचालक, सुनिता आंधळे आणि अभिमन्यु आंधळे यांच्याविरोधात गुन्हा दाखल केला. पोलिसांनी आरोपींविरोधात अपहरण, बलात्कार, धमकी आणि जबरदस्तीने लैंगिक शोषण या गंभीर आरोपाखाली गुन्हा दाखल केला आहे.