Pune Breaking News: ब्रेकिंग! मेट्रोच्या खोदकामात सापडले जिवंत हँड ग्रेनेड; पुण्यात खळबळ

अक्षय बडवे, पुणे|ता. ४ डिसेंबर २०२३

Pune Breaking News:

पुण्यामध्ये मेट्रोचे काम सुरू असताना हँड ग्रेनेड सापडल्याचा धक्कादायक प्रकार समोर आला आहे. पुण्यातील बाणेर परिसरात ही घटना घडली. याबाबतची माहिती मिळताच पोलिसांसह बॉंम्ब शोध पथक घटनास्थळी दाखल झाले आहे. (Pune Baner Breaking News)

याबाबत सविस्तर माहिती अशी की, पुण्यामध्ये मेट्रोचे (Pune Metro) खोदकाम करत असताना जिवंत हॅन्डग्रेनेड बॉम्ब सापडल्याने खळबळ उडाली आहे. पुण्यातील बाणेर परिसरात ही घटना घडली. या परिसरामध्ये आयशर कंपनीच्या आवारात मेट्रोसाठी खोदकाम सुरू होते.

यावेळी दोन जिवंत हॅन्ड ग्रेनेड सापडले. याबाबतची माहिती तात्काळ पोलिसांना देण्यात आली. परिसरात स्थानिक पोलिसांसह बॉम्ब शोधक आणि नाशक पथक घटनास्थळी दाखल झालेत. तसेच बॉम्ब शोधक पथकाकडून हे ग्रेनेड ताब्यात घेण्यात आले आहे.

दरम्यान, बाणेर परिसरात (Baner Area) लोकांची, वाहनांची नेहमीच गर्दी पाहायला मिळते. अशा वर्दळीच्या ठिकाणी अशा प्रकारे जिवंत हॅन्ड ग्रेनेड बॉंम्ब सापडल्याने परिसरातील नागरिकांमध्ये भितीचे वातावरण पसरले आहे. बॉम्बशोधक पथकाने हा हँड ग्रेट निकामी केल्याची माहिती पोलिसांनी दिली.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)