Summary -
पनवेलमध्ये मनसे कार्यकर्त्यांनी डान्स बारची तोडफोड केली होती. याचे व्हिडिओ व्हायरल झाले होते.
याप्रकरणी योगेश चिले यांच्यासह ८ मनसे कार्यकर्त्यांना पोलिसांनी अटक केली.
राज ठाकरेंच्या इशाऱ्यानंतर मनसे कार्यकर्ते आक्रमक झाले होते.
मनसे कार्यकर्त्यांनी पनवेलच्या कोनगावमधील बारची तोडफोड करत मोठे नुकसान केले होते.
मनसे अध्यक्ष राज ठाकरेंच्या इशारानंतर मनसे कार्यकर्त्यांनी पनवेल येथील नाईट रायटर ऑर्केस्ट्रा आणि बारची तोडफोड केली होती. याचे व्हिडिओ व्हायरल झाले होते. या तोडफोडीनंतर मनसे कार्यकर्ते पळून गेले होते. या प्रकरणी पनवेल तालुका पोलिसांनी मनसे नेते योगेश चिलेसह १५ जणांविरोधात गुन्हा दाखल केला होता. पोलिसांनी मनसेच्या काही कार्यकर्त्यांना शोधून काढले. योगेश चिलेसह ८ कार्यकर्त्यांना पोलिसांनी अटक केली.
राज ठाकरे यांनी पनवेल येथे झालेल्या सभेमध्ये डान्स बारचा मुद्दा उपस्थित केला होता. यानंतर आक्रमक होत मनसे कार्यकर्त्यांनी शनिवारी रात्री उशरा पनवेलच्या कोनगावमधील नाईट रायडर या लेडीज डान्स बारची तोडफोड केली होती. यामध्ये बारचे मोठ्या प्रमाणात नुकसान झाले होते. यानंतर पोलिसांनी १५ जणांविरोधात गुन्हा दाखल केला होता. आता या प्रकरणी पोलिसांनी मनसेनेते योगेश चिले यांच्यासह ८ कार्यकर्त्यांना अटक केली. दंगल घडून आणणे, खासगी मालमत्तेचे नुकसान करणे, जीव मारण्याची धमकी देणे अशा प्रकारचे गंभीर गुन्हे त्यांच्याविरोधात नोंद करण्यात आले आहेत. या सर्वांना आज न्यायालयामध्ये हजर केले जाणार आहे.
राज ठाकरे यांची शनिवारी पनवेलमध्ये शेकापच्या मेळाव्यात डान्स बारचा मुद्दा उपस्थित करत अनेक प्रश्न उपस्थित केले होते. या सभेमध्ये राज ठाकरे यांनी रायगड जिल्ह्यामध्ये असणाऱ्या अनधिकृत डान्स बारबाबत तीव्र राग व्यक्त केला होता. 'छत्रपतींच्या राजधानीमध्ये अनधिकृत बार कसे सुरू राहतात?', असा सवाल राज ठाकरेंनी उपस्थित केला होता आणि प्रशासनासह पोलिस यंत्रणेला इशारा दिला होता. त्यानंतर आक्रमक झालेल्या मनसे कार्यकर्त्यांनी बारची तोडफोड केली होती.
राज ठाकरे यांनी रायगडमध्ये वाढलेल्या डान्स बार संस्कृतीवर या सभेमध्ये बोलताना टीका केली होती. राज ठाकरे यांनी या सभेमध्ये असे म्हटले होते की, 'रायगड हा छत्रपती शिवाजी महाराजांची राजधानी असलेला जिल्हा आहे. महाराजांचा राज्यकारभार ज्या किल्ल्यांवरून चालला त्या किल्ल्यावरून या जिल्ह्याला नाव पडले. असे असताना रायगडची ओळख आता डान्सबारचा जिल्हा अशी होऊ लागली आहे.'
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.