Nilesh Ghaiwal : गुंड निलेश घायवळचं काऊंटडाऊन सुरु; शिक्षक भावाच्या आर्थिक नाड्या आवळल्या

सचिन जाधव, साम टीव्ही

पुणे : कुख्यात गुंड निलेश घायवळ लंडनला पळाल्यानंतर पोलिसांनी कारवाईचा धडाका लावला आहे. गुंड निलेशवर एकापाठोपाठ गुन्हे दाखल होण्यास सुरुवात झाली आहे. दुसरीकडे त्याच्या भावाच्या विरोधातही पोलिसांनी कारवाईचा धडाका लावला आहे. त्याच्या भावाविरोधातही ३ गंभीर गुन्हे दाखल करण्यात आले आहेत. या गंभीर गुन्ह्यामुळे गुंड निलेश घायवळच्या भावाची नोकरीवरून हकालपट्टी करण्यात आली आहे.

सचिन घायवळ असे गुंड निलेश घायवळच्या भावाचे नाव आहे. सचिन घायवळ हा व्हॉली बॉल कोच म्हणून पुण्यातील कर्वे नगरमधील मीलेनीयम शाळेमध्ये काम करत होता‌. सचिन घायवळवर गुन्हा दाखल झाल्यानंतर मीलेनीयम शाळेने सचिन घायवळला नोकरीतून काढून टाकण्याचा निर्णय घेतला आहे.

पुणे पोलिसांना सचिन घायवळ अजूनही सापडला नाही. पुणे पोलिस शोध घेत आहे. सचिन घायवळ याच्यावर ही तीन गुन्हे दाखल आहेत. खंडणी गोळीबार आणि मोक्का असे गुन्हे दाखल आहेत. याबाबत पुणे पोलीस तपास करत आहे.

गुंड निलेश घायवळवर १० गुन्हे दाखल

निलेश घायवळवर काल रात्री उशिरा एक गुन्हा दाखल करण्यात आलाय. निलेश घायवळ आणि सचिन घायवळ यांच्या दोघांवर खंडणीचा गुन्हा दाखल करण्यात आलाय. मुलांना भाजीपाला, दूध अंडी पुरवणारी ही कंपनीतीला धमकावत खंडणी मागितली होती. 2024 आणि 2025 मध्ये एका कंपनीकडून 45 लाख रुपयांची खंडणी उकळली होती.

निलेश घायवळ याच्यावर एकूण 10 गुन्हे दाखल आहे. गुंड घायवळच्या विरोधात 8 गुन्हे कोथरूड पोलीस स्टेशनमध्ये नोंद आहेत. तर वारजे आणि सिंहगड पोलीस स्टेशनमध्ये एक गुन्हा दाखल आहे. तर एक मोक्याचा गुन्हा देखील निलेश घायवळ याच्यावर दाखल आहे.

निलेश घायवळ याच्यावर दाखल असलेले एकूण १० गुन्हे

१) कोथरूड गोळीबार प्रकरण

२) कोयत्याने हल्ला केल्या प्रकरणी

३) घरावर छापेमारी करण्यात आली त्यावेळी घायवळ याच्या घरी जिवंत काडतुसे सापडले होते

४) बनावट नंबर प्लेट

५) पासपोर्ट बनवण्यासाठी खोटी कागदपत्रे दिली

६) निलेश घायवळ आणि सचिन घायवळ यांनी १० फ्लॅट नावावर करून घेत खंडणी मागितली

७) सिम कार्ड दुसऱ्याच्या नावाने वापरले

८) गुन्हेगारी प्रवृत्तीच्या रील्स बनवल्या प्रकरणी

९) मुसा गांजा तस्करी प्रकरण

१०) एका कंपनीकडून ४५ लाख रुपयांची खंडणी वसूली प्रकरणी , मिलेनियम शाळेत कॅन्टीन चालवण्यासाठी खंडणी