Mumbai Crime : मुंबई हादरली! अडीच वर्षांच्या मुलीवर अत्याचार; जन्मदात्या आईकडून बॉयफ्रेंडला प्रोत्साहन

Mumbai malwani Crime News : मुंंबईत अडीच वर्षांच्या मुलीवर आईच्या प्रियकराने अत्याचार केल्याची घटना घडली आहे. मालाडच्या मालवणी भागात ही घटना घडली. या घटनेने मुंबईत खळबळ उडाली आहे.
mumbai crime News
mumbai crime Saam tv
Published On

संजय गडदे, साम टीव्ही

Mumbai Crime : मुंबईच्या मालाडमधील मालवणी भागातून माणुसकीला काळिमा फासणारी घटना समोर आली आहे. जन्मदात्या आईच्या प्रोत्सनातूनच आपल्या अडीच वर्षीय मुलीवर प्रियकराकडून अत्याचार करून तिची हत्या करण्यात आल्याची घटना घडली आबहे. मुंबईच्या मालाड पश्चिमेकडील मालवणी परिसरातून हा धक्कादायक प्रकार उघडकीस आला आहे. याप्रकरणी रुग्णालयाने पोलिसांना माहिती दिल्यानंतर हा प्रकार उघडकीस आला. याप्रकरणी मालवणी पोलिसांनी पॉक्सो कायद्यांनुसार गुन्हा दाखल करून 30 वर्षीय आई आणि 19 वर्षीय नराधम प्रियकराला अटक केली आहे.

mumbai crime News
Special Interview : पाकिस्तानचे हवाई अन् ड्रोन हल्ले कसे रोखले? सैन्य दलाच्या अधिकाऱ्यानी सांगितला थरारक अनुभव

मालाड मालवणी परिसरात राहणाऱ्या 30 वर्षीय महिलेने आपल्या अडीच वर्षाच्या मुलीला रुग्णालयात उपचारासाठी दाखल केले. मात्र उपचारापूर्वीच मुलीचा मृत्यू झाला. यामुळे डॉक्टरांनी महिलेची विचारपूस केली. यावेळी महिलेने मुलीचा मृत्यू झोपेत श्वास गुदमरून झाल्याचे सांगितले. मात्र डॉक्टरांचा यावर विश्वास बसला नाही. डॉक्टरांनी मृतदेहाची तपासणी केली असता मृतदेहाच्या गुप्तांगावर रक्ताचे डाग आढळून आले. यामुळे काहीतरी गैरकृत्य झाले असल्याचे डॉक्टरांच्या लक्षात आले. डॉक्टरांनी मालवणी पोलिसांना फोन करून याबाबत माहिती दिली.

mumbai crime News
Jyoti Malhotra : पाकिस्तानची गुप्तहेर ज्योती भाजप कार्यकर्ती? काय आहे व्हायरल फोटोमागचं सत्य? VIDEO

पोलिसांनी रुग्णालयात जाऊन मृत बालिकेच्या आईची चौकशी केली. तिने घडलेल्या प्रकाराची कबुली दिली. यावरून मालवणी पोलिसांनी तीस वर्षीय महिला आणि 19 वर्षीय नराधम प्रियकर यांच्या विरोधात पोस्को अंतर्गत गुन्हा दाखल करून दोघांनाही अटक केली आहे. आरोपी महिला आणि 19 वर्षीय आरोपी मुलामध्ये कथित प्रेमसंबंध होते. महिलेचा तीन वर्षांपूर्वी घटस्फोट झाला होता. महिला गरोदर असताना तिच्या पतीने तिला सोडले होते. तिने एका मुलीला जन्म दिला होता. तेव्हापासून आरोपी महिला तिच्या आईच्या घरी राहत होती.

mumbai crime News
Maharashtra unseasonal rain : राज्यात अवकाळी पावसाची हजेरी; कुठे-कुठे पाऊस कोसळला? वाचा एका क्लिकवर

तपासादरम्यान आरोपीने अडीच वर्षांच्या मुलीवर तिच्या आईसमोर बलात्कार केला असल्याचे कबूल केले. चिमुकली वेदनेने ओरडत होती आणि त्यानंतर तिचा मृत्यू झाला. वैद्यकीय अहवालाच्या आधारावर पोलिसांनी आरोपी आई आणि तिच्या प्रियकराविरुद्ध भारतीय दंड संहितेच्या कलम आणि पॉक्सो कायद्याच्या संबंधित कलमांन्वये गुन्हा दाखल करून अटक केली आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com