Mumbai-Pune Expressway: मुंबई-पुणे एक्स्प्रेस वेवर उद्या ३ तासांचा ब्लॉक, वाहतुकीसाठी पर्यायी मार्ग कोणते?

सचिन कदम, रायगड

Mumbai-Pune Expressway Block:

मुंबई पुणे एक्स्प्रेस वेवर प्रवास करणाऱ्यांसाठी महत्वाची बातमी हाती आली आहे. याच मुंबई पुणे एक्स्प्रेस वेवर उद्या म्हणजे गुरुवारी तीन तासांचा ब्लॉक घेण्यात येणार आहे. या मार्गावर दुपारी 12 ते 3 या वेळेत असणार वाहतुक बंद राहणार आहे. त्यामुळे या मार्गावरील वाहतूक पर्यायी मार्गावर वळविण्यात आली आहे. (Latest Marathi News)

एक्स्प्रेस वेवर गर्डर टाकण्यासाठी ब्लॉक

मुंबई-पुणे एक्स्प्रेस वेवरील खोपोली ते पाली फाटा राष्ट्रीय मार्गावरील पुलासाठी 50 टन वजनाचे गर्डर टाकण्याचं काम उद्या गुरुवारी केले जाणार आहे. या तीन तासांचा ब्लॉक घेण्यात येणार आहे.

मुंबई-पुणे एक्स्प्रेस वेवर वाहतूक केव्हा बंद राहणार?

लेनवर दुपारी 12 ते 3 या वेळेत वाहतूक बंद राहणार आहे. त्यामुळे मुंबई-पुणे एक्स्प्रेस वेवरील वाहतूक खालापूर टोल नाक्याजवळील पर्यायी मार्गाने वळविण्यात येणार आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पर्यायी मार्ग कोणते?

महामार्गावर उद्या दुपारी 12 ते 3 या कालावधित पुण्याहून मुंबईकडे जाणारी वाहतूक खालापूर टोलनाका येथे 1 किलोमीटर अंतरासाठी पुणे लेनवरून वळविण्यात येणार आहे.

ब्लॉकमुळे प्रवाशांची तारांबळ

दरम्यान, मुंबई-पुणे एक्स्प्रेसवर गेल्या काही महिन्यांपासून असे ब्लॉक घेतले जात आहेत. या ब्लॉकमुळे प्रवाशांची एकच तारांबळ उडते. पुढील काही महिने देखील ब्लॉक घेतले जाण्याची शक्यता वर्तविण्यात आली आहे.