Kaju Paneer Recipe: घरच्या घरी झटपट बनवा स्वादिष्ट काजू पनीर; पाहा रेसिपी

Kaju Paneer Curry Recipe:

रोज जेवणात वरण-भात, भाजी पोळी खाऊन सर्वांनाच कंटाळा येतो. त्यामुळे अनेकदा काहीतरी वेगळं खायची इच्छा होते. परंतु अनेकदा वेगळं काहीतरी बनवायला खूप जास्त वेळ लागतो. त्यामुळे अनेकजण कंटाळा करतात.

जेव्हा काहीतरी नवीन बनवण्याच्या कंटाळा येतो. तेव्हा आपण पटकन बनवता येईल असा पदार्थ शोधतो. त्यामुळेच आज आम्ही तुम्हाला झटपट बनवता येईल अशी स्वादिष्ट काजू पनीरची रेसिपी सांगणार आहोत.

साहित्य

• पनीर

• काजू (भिजवून केलेली पेस्ट)

• बारीक चिरलेला कांदा

• आलं लसूण पेस्ट

• लाल तिखट

• गरम मसाला

• हळद

• जिरं-मोहरी

• कसुरी मेथी

• क्रिम

• मीठ

• चिरलेली कोथिंबीर

कृती

काजू तासभर भिजवून त्याची पेस्ट तयार करुन घ्यावी.

पनीर रुम टेम्पेचरवर आणून त्याचे लांब तुकडे करावेत.

त्यानंतर कांदा बारीक चिरून घ्या.

एका कढईत तेल टाकून त्यात कांदा चांगला परतून घ्यावा. त्यावर आलं लसूण पेस्ट, गरम मसाला , लाल तिखट घालावे.

त्यानंतर तयार मिश्रणात काजूची पेस्ट घालून मिक्स करा. त्यात हळद आणि कसूरू मेथू घालावी.

त्यानंतर त्यात पनीर घालून बारीक गॅसवर उकळी काढावी. त्यावर थोडं क्रिम घालावं आणि कोथिंबीर घालावी.