Vande Bharat Express: मुंबईहून सुटणाऱ्या या वंदे भारत एक्सप्रेसचं वेळापत्रक बदललं, आता आणखी ३० मिनिटे वाचणार

वंदे भारत ही देशातील सर्वात वेगवान धावणारी ट्रेन आहे. आता वंदे भारत ट्रेन आणखी सुसाट होणार आहे. हजूर साहिब नांदेड ते छत्रपती शिवाजी महाराज टर्मिनसदरम्यान धावणाऱ्या ट्रेनचा वेळ आता कमी करण्यात येणार आहे. या एक्सप्रेसचा वेग वाढवण्यास मान्यता देण्यात आली आहे. यामुळे नांदेड मुंबई वंदे भारत एक्सप्रेसचा वेळ ३० मिनिटांनी कमी करण्यात आला आहे. यामुळे प्रवाशांना दिलासा मिळणार आहे.

नांदेड-मुंबईत वंदे भारत एक्सप्रेसचा वेग वाढल्याने छत्रपती संभाजी नगरहून येणाऱ्या प्रवाशांनी २० मिनिटे वाचणार आहे. आता ही एक्सप्रेस ताशी ३० किमी वेगाने धावणार आहे. हे नवीन वेळापत्रक ३ मेपासून लागू होणार आहे.

नांदेड, परभणी, जालना, छत्रपती संभाजीनगर येथे दररोज अनेकजण मुंबईचा प्रवास करतात. वंदे भारत (20705/20706) एक्सप्रेसमुळे हा प्रवास सोपा झाला आहे. आता या प्रवाशांना दिलासा मिळणार आहे. नांदेडहून मुंबईला येण्यासाठीचा वेळ ३० मिनिटांनी कमी होणार आहे. यासाठी मनमाडमधील धर्माबाद-मनमाड मराठवाडा एक्सप्रेस आणि हिंगोली-मुंबई जनशताब्दीच्या वेळेत बदल केला आहे. यामुळे वंदे भारत एक्सप्रेस अधिक वेगाने धावणार आहे.

देशातील ५३ रेल्वेमार्गांवर प्रति तास १३० किमी वेगाने धावणाऱ्या एक्सप्रेस चालवण्यास मंजुरी दिली होती. यामध्ये जालना-मनमाड मार्गाचा समावेश आहे. एक्सप्रेसचा वेग वाढवण्यासाठी ट्रॅक, पॉइंट्सचे मजबुतीकरण अशा गोष्टींवर भर देण्यात आला. त्यानंतर आता हे काम पूर्ण झाले आहे. त्यामुळे वंदे भारत एक्सप्रेस १३० किमी प्रति तास वेगाने धावेल. सध्या ही ट्रेन १०० किमी वेगाने धावते.

वेळापत्रक (Nanded-Mumbai Vande bharat)

हजूर साहिब नांदेड- सकाळी ५.२०

परभणी-सकाळी ६.००

जालना- सकाळी ७.३३

छत्रपती संभाजी नगर-सकाळी ८.२३ मिनिटे

मनमाड - सकाळी१०.१०

कल्याण- दुपारी १.१० मिनिटे

ठाणे-दुपारी १.३० मिनिटे

दादर- दुपारी १.५०

छत्रपती शिवाजी महाराज टर्मिनस-दुपारी २.१५ मिनिटे

परतीच्या एक्सप्रेसचं वेळापत्रक

मुंबईहून पुन्हा नांदेडला जाणारी एक्सप्रेस १.१० ऐवजी १.१५ वाजता निघेल. ही ट्रेन छत्रपती संभाजी नगरला ६.५ मिनिटांनी पोहचणार आहे. त्यानंतर संध्याकाळी ६.५५ वाजता निघणार आहे.