मुंबई-अहमदाबाद बुलेट ट्रेन प्रोजेक्ट अंतिम टप्प्यात आहे
या मार्गावर सूरत ते बिलीमोरादरम्यान लवकरच चाचण्या होणार आहेत
सूरत बुलेट ट्रेन स्टेशनचे काम पूर्ण होत आले असून त्याचा व्हिडीओ समोर आला आहे
मुंबई ते अहमदाबाद प्रवास फक्त २ तास ७ मिनिटांमध्ये होणार आहे
मुंबई- गुजरातदरम्यान लवकरच बुलेट ट्रेन धावणार आहे. या ट्रेनची सर्वजण आतुरतेने वाट पाहत आहेत. या बुलेट ट्रेनचे काम खूपच वेगाने सुरू असून ते अंतिम टप्प्यात आहे. बिरसा मुंडा की १५० व्या जयंतीनिमित्त गुजरातमध्ये गेलेल्या पीएम मोदी यांनी बुलेट ट्रेन प्रोजेक्टची माहणी केली. पीएम मोदी यावेळी सूरत बुलेट ट्रेन स्टेशनवर पोहचले. सूरत बुलेट ट्रेन स्टेशन खूपच जबरदस्त बनवण्यात आले आहे. या स्टेशनचा लूक पाहून सर्वच जण चकीत झाले आहेत. याचा व्हिडीओ समोर आला आहे.
गुजरातमधील सूरत आणि नववारीच्या बिलिमोरा या स्थानकांदरम्यान बुलेट ट्रेनची चाचणी केली जाणार आहे. पीएम मोदी यांनी बुलेट ट्रेन स्टेशनची पाहणी करण्यापूर्वी रेल्वेमंत्री अश्विनी वैष्णव यांनी अनेक वेळा या प्रोजेक्टची पाहणी केली आहे. पीएम मोदी यांनी या पाहणी दौऱ्यादरम्यान बुलेट ट्रेन स्टेशची बारकाईने पाहणी केली. याठिकाणी काम करणाऱ्या अभियंत्यांशी आणि कामगारांशी त्यांनी संवाद साधला. मुंबई- अहमदाबाद बुलेट ट्रेन प्रोजेक्टमध्ये एकून १२ स्थानके आहेत. गुजरातमधील बुलेट ट्रेनचे काम खूपच वेगाने सुरू आहे.
रेल्वे मंत्री आर अश्विनी यांनी महिन्याभरापूर्वी सांगितले होते की, बुलेट ट्रेन मुंबई ते अहमदाबाद दरम्यान धावणार असून हा प्रवास फक्त २ तास ७ मिनिटांमध्ये पूर्ण होईल. ५०८ किमी लांबीच्या मुंबई-अहमदाबाद बुलेट ट्रेन कॉरिडॉरवरील पहिली बुलेट ट्रेन बिलीमोरा ते सूरतपूर्यंत धावेल. हा विभाग २०२७ मध्ये सुरू होईल. तर गुजरातमधील संपूर्ण काम २०२८ मध्ये पूर्ण होईल.
पीएम मोदी यांनी पहिल्यांदाच ग्राऊंड झिरोला भेट दिली आणि बुलेट ट्रेनचे काम पाहिले. त्यांच्या मेट्रो प्रोजेक्टची पाहणी केल्यामुळे जपानवरून लवकरच बुलेट ट्रेन गुजरातमध्ये येईल अशी शक्यता वर्तवली जात आहे. अश्विनी वैष्णव यांच्यासोबत जपानी मंत्र्यांनी देखील गुजरातमध्ये बुलेट ट्रेनच्या कामाची पाहणी केली.
मुंबई-अहमदाबाद दरम्यान देशातील पहिली बुलेट ट्रेन चालवणे हे पीएम मोदींच्या सर्वात ड्रीम प्रोजेक्टपैकी एक आहे. पीएम मोदींनी बुलेट ट्रेन प्रोजेक्टची पायाभरणी केली होती. या प्रकल्पाच्या पूर्णत्वामुळे गुजरातमधील अहमदाबादसह इतर शहरांचा विकास वेगवान होण्याची शक्यता आहे. यामध्ये वडोदरा, आणंद आणि सुरत या गुजरातमधील प्रमुख शहरांचा समावेश आहे. गुजरातमधील अहमदाबाद ते मुंबईतील वांद्रे कुर्ला कॉम्प्लेक्सपर्यंत धावणारी बुलेट ट्रेन ताशी ३२० किमी वेगाने धावेल. गुजरातमधील ८ बुलेट ट्रेन स्टेशनचे काम जवळजवळ पूर्ण झाले आहे. आता या स्टेशनमध्ये इतर सुविधा जोडल्या जात आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.