बोगस दाखला सहर बेपत्ता; नगरसेविका सहर शेख नॉट रिचेबल, Video

कैसे हराया म्हणत विरोधकांना डिवचणाऱ्या एमआयएमच्या नगरसेविका सहर शेख आणि त्यांचे वडील युनूस शेख सध्या मोठ्या कायदेशीर कचाट्यात सापडलेत. 'बनावट जात प्रमाणपत्र' प्रकरणाचा ठपका ठेवण्यात आल्यानंतर सहर शेख गेल्या 24 तासांपासून 'नॉट रिचेबल' आहेत. मात्र, आता या वादात एक नवे वळण आले असून, त्यांचं नगरसेवक पद धोक्यात आलयं.

सहर शेख यांचं नगरसेवकपद धोक्यात

बोगस जात प्रमाणपत्र सादर करून निवडणूक लढवल्याची सहर शेख यांच्याविरोधात तक्रार

यूपीचे रहिवासी असूनही महाराष्ट्राचा ओबीसी दाखला मिळवल्याचा प्राथमिक आरोप

स्थलांतरितांसाठी नमुना 10 आवश्यक असताना नमुना 8 वापरून प्रशासनाची फसवणूकीचा आरोप

ठाणे तहसीलदारांकडून प्रकरणाची सखोल चौकशी सुरू; कागदपत्रांमधील अनेक त्रुटी उघड

फसवणूक सिद्ध झाल्यास सहर शेख यांचं नगरसेवक पद रद्द होऊन गुन्हा दाखल होणार

दुसरीकडे हे सगळं निव्वळ राजकारणासाठी सुरु असून सहर शेखचं जात प्रमाणपत्र अधिकृत आहे... त्यामुळे नगरसेविका सहर शेख लवकरच माध्यमांसमोर स्पष्टीकरण देतील, असं विधान एमआयएमचे गटनेते सैफ पठाण यांनी केलयं...

दरम्यान ठाणे जिल्हाधिकारी कार्यालयाच्या जात पडताळणी विभागाकडून या प्रकरणाचा अहवाल लवकरच प्राप्त होणार आहे. जर जात पडताळणी समितीने युनूस शेख यांचे प्रमाणपत्र अवैध ठरवले, तर सहर शेख यांचे नगरसेवकपद धोक्यात येऊ शकतं. तसचं ठाणे महानगरपालिकेत सध्या MIM चे पाच नगरसेवक आहेत. जर सहर शेख यांचे पद रद्द झाले, तर ही संख्या चारवर येईल, जो पक्षासाठी मोठा धक्का मानला जातेय... त्यामुळेच आता सर्वांचे लक्ष समितीच्या अहवालाकडे आणि सहर शेख यांच्या भूमिकेकडे लागलयं..