FDA ची मोठी कारवाई! शॅम्पू-केमिकल मिसळून बनवत होते दूध; 24 जणांच्या आवळल्या मुसक्या

सागर आव्हाड, साम टीव्ही

दूध भेसळप्रकरणी मंचर पोलीस ठाण्यात दाखल गुन्ह्याच्या तपासाला वेग आला असून, पोलिसांनी या गुन्ह्याच्या तपासादरम्यान एकूण २४ आरोपींना अटक करण्यात आली आहे. अन्न व औषध प्रशासन आणि पुणे ग्रामीण पोलिसांनी मंचर परिसरात उघडकीस आणलेल्या दूध भेसळ घोटाळ्याचे नवीन धागेदोरे समोर आले आहेत.

२०२४ पासून या भेसळ युक्त दुधाचे वितरण होत असून राज्यातील अहिल्यानगर, सांगली, जालना, पुणे ग्रामीण सारख्या अनेक जिल्ह्यांमध्ये हे दूध जात होतं, प्राथमिक तपासातून हे पुढे आले असल्याचं पुणे ग्रामीण पोलिस अधीक्षक संदीप गिल यांनी सांगितले. अटक केलेल्या २४ जणांचा विविध पद्धतीने या गुन्ह्यात सहभाग आहे. दूध भेसळीसाठी आरोपींकडून विविध साहित्याचा वापर केल्याचे समोर आले आहे. दूध भेसळीसाठी शाम्पू, पाम तेल, केमिकल आणि वे-पावडरचा वापर करून बनावट दूध तयार केले जात असल्याचा प्रकार तपासातून निष्पन्न झाला असल्याचं सुद्धा पोलिस अधीक्षक गिल यांनी सांगितलं.

इमल्सीफायर, पाम तेल, व्हे पावडर, शॅम्पू आणि इतर साहित्य वापरून एक मिश्रण तयार केलं जात होते आणि त्याचा वापर भेसळयुक्त दूध तयार केलं जात असायचं. भेसळयुक्त दुधात तेल आणि पाण्याचे कण एकत्र ठेवण्यासाठी इमल्सीफायर नावाचे रासायनिक पदार्थी वापरले जाते. पाम तेल हे इतर खाद्यतेलांपेक्षा आणि दुधाच्या खऱ्या फॅटपेक्षा स्वस्त आणि व्यावसायिक नफ्यासाठी कृत्रिम दुधामध्ये पाम तेलाचा वापर केला जातो. संबंधित ठिकाणी असलेल्या गोडाऊन मधून या सारखे विविध साहित्य जप्त केलं गेलं आहे. याप्रकरणी प्रथम १० जणांना अटक करण्यात आली होती आता ही संख्या २४ वर गेली आहे