Pahalgam Terror Attack : ती ठरली आयुष्यातील शेवटची सहल; दहशतवादी हल्ल्यात डोंबिवलीतील कुटुंबाचा आधारवड हरपला

अभिजीत देशमुख, साम टीव्ही

डोंबिवली : जम्मू-काश्मीरमधील पहलगाम जिल्ह्यातील बैसरन खोऱ्यात दहशतवादी हल्ला झालाय. दहशतवादांच्या भ्याड हल्ल्यात आतापर्यंत एकूण २७ जणांचा मृत्यू झाला आहे. या गोळीबारात महाराष्ट्रातील दोघांचा मृत्यू झाला आहे. मृतांमध्ये डोंबिवलीतील एकाचा मृत्यू झाला आहे. दहशतवादी हल्ल्यात डोंबिवलीतील इंजिनीअरचा मृत्यू झाला आहे.

जम्मू काश्मीरमधील बैसरन खोऱ्यात पर्यटकांवर झालेल्या दहशतवादी हल्ल्यात डोंबिवलीतील अतुल मोने यांचा मृत्यू झाला आहे. अतुल मोने डोंबिवली पश्चिमेकडे ठाकूरवाडी परिसरातील श्रीराम अचल इमारतीत राहत होते. अतुल श्रीकांत मोने कुटुंबासह फिरण्यासाठी काश्मीर पेलगम येथे गेले होते. मुलगी, बायको यांच्यासह त्यांचे नातेवाईकांची तीन कुटुंब गेल्याची माहिती मिळत आहे. अतुल मोने रेल्वेमध्ये परेल वर्क शॉप सेक्शन इंजिनियरपदी कार्यरत होते. या घटनेची माहिती मिळताच मोने यांचे नातेवाईक काश्मीरला रवाना झाले आहेत.

पुण्यातील कर्वेनगरचे रहिवासी हल्ल्यात जखमी

पुण्याच्या कर्वेनगरमधील काही लोक काश्मीरला गेले होते. काश्मीर हल्ल्यात पुण्यातील ५ जणांचा समावेश असल्याची प्राथमिक माहिती मिळाली आहे. पुण्यातील आसावरी जगदाळे, प्रगती जगदाळे, संतोष जगदाळे, कौस्तुभ गणबोटे, संगीता गणबोटे हे नागरिक काश्मीरला फिरायला गेले. यातील जगदाळे कुटुंबीय हे कर्वेनगर परिसरात राहणारे आहेत. तर गणबोटे कुटुंबीय हे पुण्यातील रास्ता पेठेतील असल्याची प्राथमिक माहिती मिळाली आहे.

पुण्यातील संतोष जगदाळे जखमी

काश्मीरच्या बैसरन खोऱ्यात झालेल्या दहशतवादी हल्ल्यात पुण्यातील संतोष जगदाळे जखमी झाले आहेत. या घटनेवर संतोष जगदाळे यांच्या जाऊ म्हणाल्या की, माझे दीर संतोष जगदाळे,त्यांची पत्नी प्रगती जगदाळे आणि मुलगी आसावरी जगदाळे हे तीन दिवसांपूर्वी काश्मीर फिरायला गेले होते. संतोष जगदाळे यांना गोळी लागून ते जखमी झाले आहेत. दोन्ही महिला सुरक्षित आहेत. आम्हाला ही बाब माध्यमातून समजली. जाऊ आणि मुलगी सुरक्षित असून संतोष जगदाळे यांच्यावर उपचार सुरू आहेत'.