Ketan Agarwal Case: केतन अग्रवाल हत्या प्रकरणात खळबळजनक खुलासे, पोलिसांना सापडले पुरावे; सिया-चेतन करायचे कोड वर्डने चॅटिंग

• केतन अग्रवाल हत्या प्रकरणात धक्कादायक नवे खुलासे समोर आले

• सिया गोयल आणि चेतन चौधरी कोड वर्डमध्ये चॅटिंग करत असल्याचे पुरावे मिळाले

• पोलिसांनी सियाचा दुसरा मोबाईल जप्त करून डेटा रिकव्हर केला

• न्यायालयाने दोन्ही आरोपींना १४ दिवसांची न्यायालयीन कोठडी सुनावली

पुण्यातील केतन अग्रवाल हत्या प्रकरणात रोज नवनवी खुलासे होत आहेत. या प्रकरणातील आरोपी सिया गोयल आणि चेतन चौधरी यांना पोलिसांनी अटक केली असून त्यांची कसून चौकशी सुरू आहे. त्यांनी केतनला लोहगड किल्ल्यावरून ४०० फूट खोल दरीत ढकलून दिलं. या घटनेच केतनचा जागीच मृत्यू झाला. पोलिसांच्या तपासातून आता असे उघड झाले आहे की, चेतन आणि सिया अनेकदा सांकेतिक शब्दांचा वापर करून संवाद साधत असे. यामुळे पोलिसांचा संशय अधिकच बळावला आहे. पोलिस आता या दोघांची समोरासमोर चौकशी करण्याची योजना आखत आहेत.

सिया आणि चेतन त्यांच्या संभाषणात अनेकदा सांकेतिक शब्द आणि टोपणनावे वापरत असत. पोलिसांनी आता सियाचा दुसरा मोबाईल फोन जप्त केला आहे. त्यातून आणखी अनेक रहस्ये उघड होण्याची शक्यता आहे. दरम्यान, पुणे न्यायालयाने शुक्रवारी सिया गोयल आणि चेतन चौधरी यांना या केतन अग्रवाल हत्याकांड प्रकरणात १४ दिवसांची न्यायालयीन कोठडी सुनावली.

सरकारी पक्षाने दोन्ही आरोपींच्या पोलिस कोठडीत ३ दिवसांची वाढ करण्याची न्यायालयाकडे विनंती केली होती. पण सिया आणि चेतनच्या वकिलांनी याला विरोध केला. सरकारी पक्षाने असा युक्तिवाद केला की, सिया गोयल आणि चेतन चौधरी यांच्या मोबाईल फोनमधून मिळालेल्या डेटामध्ये हावभाव आणि सांकेतिक भाषेचा वापर करून केलेले चॅट्स होते. त्यांचा अर्थ समजून घेण्यासाठी त्यांना ताब्यात घेऊन त्यांची चौकशी करणे आवश्यक होते.

पण सिया गोयल आणि चेतन चौधरी यांच्या वकिलांनी सरकारी पक्षाच्या वकिलांच्या विनंतीला विरोध केला आणि सांगितले की, पोलिसांना या प्रकरणाच्या तपासासाठी आधीच पुरेसा वेळ देण्यात आला आहे आणि पुढील कोठडीतील चौकशीची आवश्यकता नाही. न्यायालयाने दोन्ही बाजूंचे युक्तिवाद सविस्तरपणे ऐकून घेतले आणि त्यानंतर सरकारी पक्षाची विनंती फेटाळून लावली. सिया आणि चेतन यांना १४ दिवसांची न्यायालयीन कोठडी सुनावण्यात आली.

गुरुवारी सकाळी सिया गोयलने पोलिसांना पॉलीग्राफ चाचणी म्हणजेच खोटे ओळखण्याची चाचणी करण्यास परवानगी दिली. या चाचणीमुळे पोलिसांना आरोपीच्या देहबोलीचे मूल्यांकन करता येते. आरोपी खरे बोलत आहे की नाही हे ठरवण्यासाठी यात त्यांच्या हृदयाचे ठोके, घामाचे प्रमाण, देहबोली आणि रक्तदाब यांचे मूल्यांकन केले जाते. यावेळी आरोपींना घटनेशी संबंधित प्रश्न विचारले जातात जे आरोपीच्या संमतीशिवाय केले जाऊ शकत नाही.