Ganeshotsav च्या धामधूमीत धूम स्टाईल चाेरी, 16 लाख 50 हजारांच्या दागिन्यांवर डल्ला

Lonavala Ganpati Utsav : लोणावळा शहरात महिलांच्या अंगावरील दागिने चोरण्याच्या दोन मोठ्या घटना घडल्या. या घटनांमध्ये सोळा लाख पन्नास हजार रुपयांचा ऐवज चाेरीस गेल्याची तक्रार पाेलीसांत दाखल झाली आहे. ऐन गणेशोत्सवात चाेरी झाल्याने पाेलीसांपुढे गुन्हेगारांनी आव्हान उभे केल्याची चर्चा हाेत आहे. (Maharashtra News)

राज्यभरात गणेशोत्सवाची धामधूम सुरु आहे. सर्वत्र गणेश मंडळांचे देखावे पाहण्यासाठी गर्दी हाेऊ लागली आहे. बहुतांश ठिकाणी पाेलीसांचा कडेकाेट बंदाेबस्त आहे. सार्वजनिक गणेशाेत्सव मंडळे देखील प्रसादाचे वाटप असाे अथवा विविध कार्यक्रम स्थानिक नागरिकांची मदत घेत कार्य पार पाडत आहेत.

दरम्यान लोणावळा शहरात महिलांच्या अंगावरील दागिने चोरण्याच्या दोन मोठ्या घटना घडल्या. या घटनांमध्ये सोळा लाख पन्नास हजार रुपयांचा ऐवज दुचाकीवरून आलेल्या चोरट्यांनी चाेरुन नेला.

लोणावळ्यातील गोणते या रस्त्यावर जात असताना दुचाकीवरून आलेल्या चोरट्याने गळ्यातील गंठण, शाहीहार व मनी मंगळसूत्र असा चौदा तोळे वजनाचा ऐवजावर चोरट्यांनी डल्ला मारला आहे. या चोरांचा शोध लोणावळा शहर पोलीस घेत आहेत.

Edited By : Siddharth Latkar