Local Power Block : मध्य रेल्वेवर ४ दिवसांचा विशेष मेगा ब्लॉक, नेरळ-कर्जत-खोपोली मार्गावर फटका, वाचा कोणकोणत्या ट्रेन रद्द

मध्य रेल्वेच्या प्रवाशांसाठी महत्त्वाची बातमी आहे. मध्य रेल्वे मार्गावर आजपासून पॉवर ब्लॉक घेण्यात येणार आहे. १८,२२, २३ आणि २४ सप्टेंबर रोजी हा पॉवर ब्लॉक असणार आहे. कर्जत रेल्वे यार्ड सुधारणेच्या कामासाठी विशेष ब्लॉक घेण्यात आला आहे. सध्या कर्जत यार्ड रिमॉडेलिंगच्या कामाच्या पूर्वतयारीसाठी ब्लॉक घेण्यात आला आहे. यामुळे रेल्वे सेवेत बदल करण्यात आला आहे. यामुळे अनेक रेल्वे रद्द करण्यात आल्या आहेत. त्यामुळे घरातून बाहेर निघताना रेल्वेचं वेळापत्रक पाहून पडा.

ब्लॉकमध्ये रेल्वे याप्रमाणे सुरु राहतील

१. १८.०९.२०२५ (गुरुवार) रोजी सकाळी ११:०० ते दुपारी १:३० पर्यंत ब्लॉक

मेल/एक्सप्रेस ट्रेन नियमन

11014 कोइम्बतूर- लोकमान्य टिळक टर्मिनस एक्सप्रेस सकाळी ११.३० ते दुपारी १.०५ पर्यंत लोणावळा येथे नियंत्रित केली जाईल.

22919 चेन्नई- अहमदाबाद हमसफर एक्सप्रेस आणि 12164 चेन्नई- लोकमान्य टिळक टर्मिनस सुपरफास्ट एक्सप्रेस पुणे विभागात योग्यरित्या नियंत्रित केली जातील आणि दुपारी १.१० नंतर लोणावळा येथे हस्तांतरित केली जातील.

ब्लॉक काळात नेरळ आणि खोपोली स्थानकांदरम्यान उपनगरीय सेवा उपलब्ध राहणार नाहीत.

डाउन ट्रेन रद्दीकरण

खोपोली करीता कर्जत येथून १२:०० व १३:१५ वाजता सुटणाऱ्या उपनगरीय ट्रेन रद्द राहतील.

अप ट्रेन रद्दीकरण

खोपली येथून ११:२० व १२:४० वाजता कर्जत करीता सुटणाऱ्या उपनगरीय ट्रेन रद्द राहतील.

डाउन ट्रेनचे शॉर्ट टर्मिनेशन

छत्रपती शिवाजी महाराज टर्मिनस येथून ०९:३० ते ११.१४ पर्यंत कर्जतला जाणाऱ्या उपनगरीय ट्रेन नेरळ येथे शॉर्ट टर्मिनेट करण्यात येतील आणि या गाड्या नेरळ आणि कर्जत दरम्यान रद्द राहतील.

अप ट्रेनचे शॉर्ट टर्मिनेशन

कर्जत येथून ११:१९ ते दुपारी १३:०० वाजेपर्यंत छत्रपती शिवाजी महाराज टर्मिनस साठी सुटणाऱ्या उपनगरीय ट्रेन नेरळ येथूनच ( शॉर्ट टर्मिनेट) सुटतील आणि या गाड्या कर्जत आणि नेरळ दरम्यान रद्द केल्या जातील.

२. २२.०९.२०२५ रोजी (सोमवार) १२.२५ ते दुपारी १३.५५ वाजेपर्यंत अप लाईनवर (यार्डसह) ब्लॉक असेल

ब्लॉक काळात कर्जत आणि खोपोली स्थानकांदरम्यान उपनगरीय सेवा उपलब्ध राहणार नाहीत.

डाउन ट्रेन रद्दीकरण:

कर्जत येथून दुपारी १३:१५ वाजता सुटणारी खोपोलीसाठीची उपनगरीय ट्रेन रद्द राहील.

अप ट्रेन रद्दीकरण:

खोपोली येथून दुपारी १२:४० वाजता सुटणारी कर्जतसाठीची उपनगरीय ट्रेन रद्द राहील.

डाउन ट्रेनचे शॉर्ट टर्मिनेशन:

छत्रपती शिवाजी महाराज टर्मिनस येथून १२:२० वा.

खोपोलीसाठी सुटणारी उपनगरीय ट्रेन कर्जत येथे शॉर्ट टर्मिनेट केली जाईल आणि ही ट्रेन कर्जत आणि खोपोली दरम्यान रद्द केली जाईल.

अप ट्रेनचे शॉर्ट टर्मिनेशन:

खोपोली येथून १६:३० वाजता छत्रपती शिवाजी महाराज टर्मिनस साठी सुटणारी उपनगरीय ट्रेन कर्जत येथे शॉर्ट ओरीजनेट केली जाईल आणि ही ट्रेन खोपोली आणि कर्जत दरम्यान रद्द केली जाईल.

३. २३.०९.२०२५ (मंगळवार) रोजी मध्य रेल्वे मार्गावर (अप यार्डसह) ११.२० ते १३.५० वाजेपर्यंत ब्लॉक

मेल/एक्सप्रेसचे डायव्हर्जन/नियम:

11014 कोइम्बतूर- लोकमान्य टिळक टर्मिनस एक्सप्रेस आणि 12263 पुणे- ह. निजामुद्दीन दुरांतो एक्सप्रेस कर्जत- पनवेल मार्गे वळवण्यात येतील.

12164 चेन्नई - लोकमान्य टिळक टर्मिनस सुपरफास्ट एक्सप्रेस कर्जत येथे दुपारी १३:४३ ते दुपारी १३:५० पर्यंत नियमित केली जाईल.

ब्लॉक काळात नेरळ आणि खोपोली स्थानकांदरम्यान उपनगरीय सेवा उपलब्ध राहणार नाहीत.

डाउन ट्रेन रद्दीकरण:

कर्जत येथून १२:०० वाजता व १३:१५ वाजता खोपोलीकरीता सुटणाऱ्या उपनगरीय ट्रेन रद्द राहतील.

अप ट्रेन रद्द:

खोपोली येथून ११:२० वाजता व १२:४० वाजता कर्जत करीता सुटणाऱ्या उपनगरीय ट्रेन रद्द राहतील.

खालील उपनगरीय डाऊन गाड्या नेरळ येथे शॉर्ट टर्मिनेट केल्या जातील आणि नेरळ आणि कर्जत दरम्यान रद्द केल्या जातील.

छत्रपती शिवाजी महाराज टर्मिनस येथून सकाळी ०९:३० ते ११.१४ पर्यंत कर्जतसाठी सुटणाऱ्या उपनगरीय गाड्या आणि

ठाणे येथून दुपारी १२:०५ वाजता कर्जतसाठी सुटणाऱ्या उपनगरीय गाड्या.

अप गाड्यांचे शॉर्ट टर्मिनेशन:

कर्जत येथून सकाळी ११:१९ ते १३:०० वाजेपर्यंत छत्रपती शिवाजी महाराज टर्मिनस साठी सुटणाऱ्या उपनगरीय गाड्या नेरळ येथून शॉर्ट ओरीजरनेट केल्या जातील आणि या गाड्या कर्जत आणि नेरळ दरम्यान रद्द केल्या जातील.

कर्जत येथून दुपारी १३:२७ वाजता ठाणेसाठी सुटणारी उपनगरीय गाडी नेरळ येथून शॉर्ट ओरीजनेट केली जाईल आणि ही गाडी कर्जत आणि नेरळ दरम्यान रद्द केली जाईल.

४. २४.०९.२०२५ (बुधवार) रोजी सकाळी ११.२० ते १३.२० आणि दुपारी १३.२० ते १५.२० पर्यंत अप, डाउन आणि मध्य मार्गांवर ब्लॉक

मेल/एक्सप्रेस ट्रेन नियमन:

11014 कोइम्बतूर- लोकमान्य टिळक टर्मिनस एक्सप्रेस ११.३० ते १३.०५ पर्यंत लोणावळा येथे नियंत्रित केली जाईल.

22180 चेन्नई- लोकमान्य टिळक टर्मिनस एक्सप्रेस आणि 12164 चेन्नई -लोकमान्य टिळक टर्मिनस सुपरफास्ट एक्सप्रेस पुणे विभागात योग्यरित्या नियंत्रित केल्या जातील आणि १३.१० वाजता लोणावळा येथे हस्तांतरित केल्या जातील.

ब्लॉक कालावधीत नेरळ आणि खोपोली स्थानकांदरम्यान सेवा उपलब्ध नाहीत.