सुनेत्रा पवारांचा बारामतीत विक्रमी विजय
२.१४ लाख मतांसह ऐतिहासिक कामगिरी
त्यांनी अजित पवारांचा २०१९ चा रेकॉर्ड मोडला
राज्याचे दिवंगत उपमुख्यमंत्री आणि राष्ट्रवादी काँग्रेसचे नेते अजित पवार यांच्या निधनानंतर बारामतीमध्ये पार पडलेल्या पोट निवडणुकीमध्ये उपमुख्यमंत्री सुनेत्रा पवार यांचा विक्रमी विजय झाला. सुनेत्रा पवार यांनी २०१९ च्या विधानसभा निवडणुकीतील अजित पवार यांचा रेकॉर्ड मोडला. सुनेत्रा पवार यांना एकूण २३ फेऱ्यांच्या अंती २ लाख १४ हजार ५९ मतं मिळाली. सुनेत्रा पवार यांच्या विजयामुळे बारामतीकरांमध्ये आनंदाचे वातावरण आहे. सुनेत्रा पवार यांचा विजय जरी झाला असला तरी त्यांनी आपल्या कार्यकर्त्यांना विजयी मिरवणुका काढू नका असे आवाहन केले.
उपमुख्यमंत्री सुनेत्रा पवार या देशात सर्वाधिक मताधिक्य मिळवणाऱ्या आमदार ठरल्या आहेत. बारामती विधानसभा पोटनिवडणुकीत सुनेत्रा पवार यांना २ लाख १८ हजार ९३० मतांची आघाडी मिळाली. सुनेत्रा पवार यांनी उत्तर प्रदेशातील आमदार सुनील शर्मा यांचा विक्रम मोडला. तर सुनील शर्मा यांना २०२२ मध्ये २ लाख १४ हजार ८३५ मतं मिळाली. सुनेत्रा पवार यांनी २०१९ मध्ये अजित पवार यांचा देखील रेकॉर्ड मोडला आहे.
सुनेत्रा पवार यांनी सोशल मीडियावर पोस्ट करत विजयी मिरवणुका आणि गुलालाची उधळण करू नका, असे आवाहन आपल्या कार्यकर्त्यांना केले. त्यामुळे विजयानंतरही बारामतीमध्ये जल्लोष केला जाणार नाही. सुनेत्रा पवार यांनी आपल्या पोस्टमध्ये सांगितले की, 'आजचा हा निकाल जाहीर होत असताना आदरणीय दादांच्या आठवणींना उजाळा मिळाल्याने आपण सर्वजण भावुक आहोत. दादांवर जीवापाड प्रेम करणाऱ्या सर्व कार्यकर्त्यांना नम्र विनंती आहे की, या विजयाचा जल्लोष म्हणून कुणीही मिरवणुका काढू नयेत किंवा गुलाल उधळू नये. आपण संयम राखूया आणि दादांच्या विचारांना साजेसं वर्तन करूया.'
फेरी १. 8868
फेरी २. 7675
फेरी ३. 10230
फेरी ४: 9604
फेरी ५: 8419
फेरी ६ : 8682
फेरी ७ : 8439
फेरी ८: 8725
फेरी ९: 7886
फेरी १०: 9300
फेरी ११: 7924
फेरी १२: 8057
फेरी १३: 8559
फेरी १४: 9587
फेरी १५: 11061
फेरी १६: 8993
फेरी १७: 9161
फेरी १८: 8190
फेरी १९: 9489
फेरी २०: 11065
फेरी २१: 10037
फेरी २२: 8975
फेरी २३: 11086
फेरी २४: 9212
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.