बदलापूर स्टेशनवर जोधपूर एक्सप्रेस थांबवून गोंधळ
सामान चोरीच्या आरोपामुळे चेन खेचण्याचा प्रकार
सीएसएमटी-बदलापूर लोकल उशिरा; प्रवाशांना त्रास
रेल्वे पोलिसांच्या हस्तक्षेपानंतर परिस्थिती नियंत्रणात
मयुरेश कडवं, बदलापूर
मध्य रेल्वेच्या बदलापूर स्थानकातून मोठी बातमी समोर आली आहे. जोधपूर एक्सप्रेस मधल्या प्रवाशांनी आपलं सामान चोरीला गेल्याचा आरोप करत एक्सप्रेस बदलापूर स्टेशनवर थांबवत जोरदार गोंधळ घातला. काल रात्री बाराच्या सुमारास हा प्रकार घडला. या गोंधळामुळे पाठीमागून येणारी सीएसएमटी बदलापूर लोकल रखडली त्याचा फटका प्रवाशांना बसला असल्याचं समोर आलं आहे.
मिळालेल्या माहितीनुसार, काल रात्री जोधपुर एक्सप्रेस साडेअकराच्या सुमारास अंबरनाथ होऊन बदलापूरच्या दिशेने येत असताना काही प्रवाशांनी आपलं सामान चोरीला गेल्याचा आरोप करत चेन खेचली. अंबरनाथ आणि बदलापूरच्या दरम्यान एक्सप्रेस थांबवण्यात आली. त्यानंतर पुन्हा या प्रवाशांनी बदलापूर रेल्वे स्थानक येताच चेन खेचून गाडी थांबवली आणि गोंधळ घातला.
आपलं सामान चोरीला गेल्याची तक्रार करूनही रेल्वे प्रशासनाकडून योग्य ती उत्तरं मिळत नसल्यामुळे प्रवासी संतापले होते. तर काही प्रवाशांनी एक्सप्रेसमधील टॉयलेटचे दरवाजे लॉक असल्याचा आरोपही केलाय.
दरम्यान रेल्वे अधिकाऱ्याने रेल्वे पोलिसांनी या प्रवाशांची कशीबशी समजूत घातल्यानंतर जोधपूर एक्सप्रेस रवाना झाली. मात्र याचा फटका पाठीमागून येणाऱ्या सीएसएमटी-बदलापूर लोकलला बसला. ही लोकल उशिरा आल्यामुळे प्रवाशांना नाहक त्रास सहन करावा लागला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.