Ajit Pawar News: शरद पवार येणार आहेत, मी येणार नाही; अजित पवारांनी कार्यक्रमाच्या आयोजकांना खडसावलं?

'माझ्या आधी शरद पवार आणि छगन भुजबळ यांची वेळ घेतली, आता मी येणार नाही,' अशा शब्दात उपमुख्यमंत्री अजित पवार यांनी आयोजकांना खडसावलंय. चाकण येथे महात्मा फुले आणि क्रांतीज्योती सवित्रीबाई फुले यांच्या पुर्णाकृती पुतळ्याचा अनावरण सोहळा आहे. या कार्यक्रमात उपस्थित राहण्यासाठी राष्ट्रवादी शरद पवार गटाचे सर्वेसर्वा शरद पवार आणि छगन भुजबळ यांची वेळ घेण्यात आली. मात्र, माझ्या आधी वेळ त्यांची घेतली, आता मी येणार नाही, अशा शब्दात अजित पवार यांनी कार्यक्रमाला येण्यास थेट नकार दिल्याचे सांगण्यात येते.

क्रांतीज्योती सवित्रीबाई फुले यांच्या जयंतीनिमित्त, चाकण येथे महात्मा फुले आणि क्रांतीज्योती सवित्रीबाई फुले यांच्या पुर्णाकृती पुतळ्याचा अनावरण सोहळा पार पडणार आहे. या कार्यक्रमानिमित्त शरद पवार गटाचे सर्वेसर्वा शरद पवार आणि छगन भुजबळ यांची वेळ घेण्यात आली. त्यानंतर आयोजक अजित पवार यांच्याकडे गेले. मात्र, शरद पवार यांची माझ्या आधी वेळ घेतली, आता मी येणार नाही, अशा शब्दात आयोजकांना अजित पवारांनी खडसावल्याचे खात्रीलायक सूत्रांकडून सांगण्यात आले.

अजित पवार यांच्याआधी आयोजकांनी शरद पवार आणि छगन भुजबळ यांची वेळ घेतली. शरद पवार यांच्या उपस्थितीत होत असलेल्या कार्यक्रमाला अजित पवार अनुपस्थित राहणार असल्याची माहिती आहे. त्यामुळे शरद पवार आणि छगन भुजबळ यांच्या उपस्थितीत होत असलेल्या कार्यक्रमाला अजित पवार उपस्थित राहणार नसल्याचे सांगण्यात येत आहे.

अजित पवार आणि शरद पवार यांची भेट याआधी शरद पवार यांच्या वाढदिवसानिमित्त झाली होती. त्यानंतर अजित पवार यांच्या मातोश्री आशा पवार यांनी विठ्ठलाचे दर्शन घेत, पवार कुटुंब एकत्र येण्यासाठी साकडं घातलं होतं. त्यानंतर पवार कुटुंब पुन्हा एकत्र येणार का? राष्ट्रवादी पुन्हा एकसंध होणार का? अशी चर्चा पुन्हा एकदा सुरू झालीय. मात्र, मंत्रिपदावरून सुरू झालेल्या नाराजीनाट्यानंतर छगन भुजबळ आणि शरद पवार पहिल्यांदाच एकाच व्यासपीठावर येणार आहेत. त्यांच्यात नेमकी कोणती चर्चा होणार, याकडे सर्वांचे लक्ष आहे.

Edited By - Bhagyashree Kamble