Yavatmal Accident : वणी- मारेगाव मार्गावर कार- ट्रकचा भीषण अपघात; एकाचा मृत्यू, ५ गंभीर जखमी

संजय राठोड

यवतमाळ : यवतमाळच्या वणी- मारेगाव मार्गावरील निंबाळा उतारावर दुपारच्या सुमारास कार आणि ट्रकचा भीषण (Accident) अपघात झाला. या अपघातात कर चालकाचा जागीच मृत्यू झाला. तर अन्य प्रवाशी जखमी झाले आहेत. (Yavatmal) त्यांना रुग्णालयात दाखल करण्यात आले आहे.  (Live Marathi News)

यवतमाळच्या वणी- मारेगाव या मार्गावर सिमेंट वाहतुक करणाऱ्या ट्रकने समोरून येणाऱ्या कारला जोरदार धडक दिली. निंबाळा उतारावर हा अपघात झाला. ओव्हरटेक करण्याच्या प्रयत्नात ट्रकने कारला उडविले. उतार असल्याने ट्रक चालकांकडून गाडीवर नियंत्रण मिळविता आले नाही. यामुळे मारेगाव येथून चंद्रपूरकडे जाणाऱ्या कारला जोरदार धडक दिली. या अपघातात कारमधील चालकाचा मृत्यू झाला. नवाज मुझफ्फर शेख, असे मृत झालेल्या चालकाचे नाव आहे.  

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

ट्रक चालकासह ५ जण गंभीर जखमी 

या अपघातात कारचा अक्षरशः चुराडा झाला आहे. या अपघातात दोन महिला व दोन लहान मुलांसह ५ व्यक्ती गंभीर जखमी झाले आहेत. अपघात घडल्यानंतर प्रत्यक्षदर्शीनी व पोलिसांनी धाव घेत जखमींना ग्रामीण रुग्णालयात उपचारासाठी हलवले आहे.