चंद्रपूर : चंद्रपूर (chandrapur) शहरालगत दुर्गापूर (durgapur) येथे बिबट्याने (leopard) केलेल्या हल्ल्यात घरकाम करत असलेली महिले (women) ठार झाली आहे. चंद्रपूर जिल्ह्यासह शहरातील विविध भागात बिबट्याच्या हल्ले हाेत असल्याने परिसरातील नागरिकांची घाबरगुंडी उडाली आहे. (chandrapur leopard latest marathi news)
दुर्गापूर येथील दिल्ली मोहल्ला येथे वास्तव्यास असणा-या गीता विठ्ठल मेश्राम (वय ४७) या घरात काम करीत हाेत्या. रात्रीची वेळ असल्याने परिसरातील अंधाराचा फायदा घेत बिबट्याने घरात शिरुन मेश्राम यांचा नरडीचा घोट घेतला.
या घटनेची माहिती समजताच वनपथक व पोलिस घटनास्थळी पोहचले. त्यांनी शाेध घेतला परंतु बिबट्या पसार झाला हाेता. वनविभागाने यापुर्वी एक वाघ आणि एक बिबट जेरबंद केला हाेता. या परिसराला लागून आहेत वेस्टर्न कोल फिल्ड्स लिमिटेडच्या कोळसा खाणी, ताडोबा-अंधारी व्याघ्र प्रकल्पाच्या बाह्य क्षेत्रातून वन्यजीवांचा परिसरात प्रवेश हाेत असताे. वाघ-बिबट्यांच्या तातडीने बंदोबस्त करावा अशी मागणी गावक-यांनी केली आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
