raj thackeray uddhav thackeray
raj thackeray uddhav thackeray Saam TV News Marathi

Thackeray: ठाकरे बंधूंची युती होणार की नाही? राज ठाकरेंच्या आदेशानं संभ्रम; पदाधिकाऱ्यांना स्पष्ट निर्देश

Thackeray Brothers Reunite: २० वर्षांनी ठाकरे बंधू एकत्र आले. मराठी मेळाव्यात युतीचे संकेत दिले. मात्र, राज ठाकरेंच्या सूचनेमुळे युतीबाबत संभ्रम निर्माण झाला आहे.
Published on

त्रिभाषा सूत्रावरून निर्माण झालेल्या वादानंतर तब्बल वीस वर्षांनंतर शिवसेना पक्षप्रमुख उद्धव ठाकरे आणि मनसेप्रमुख राज ठाकरे एकाच व्यासपीठावर आले. त्यांनी आपल्या भाषणातून मराठी माणसासाठी एकत्र येत असल्याचं जाहीर केलं. मात्र, यावेळी राज किंवा उद्धव ठाकरे यांनी युतीबाबत स्पष्ट संकेत दिले नाही. त्यातच आता राज ठाकरेंनी, 'युतीविषयी कोणतीही वक्तव्ये करू नयेत' अशा स्पष्ट सूचना पदाधिकाऱ्यांना दिल्या. त्यामुळे सध्या ठाकरे सैनिकांमध्ये संभ्रमाचं वातावरण आहे.

२००५ नंतर विभक्त झालेले ठाकरे बंधू वरळी डोममध्ये विजयी मेळाव्याच्या निमित्ताने एकत्र आले. एकाच व्यासपीठावर येत भाषणामधून युतीचे संकेत दिले. मात्र, युतीबाबत त्यांनी स्पष्ट बोलण्यास टाळलं. दरम्यान, दोघांनी एकत्र येऊन आगामी निवडणुका लढवाव्या, अशी इच्छा नेत्यांपासून जनसामान्यांनी व्यक्त केली. अशातच आता राज ठाकरे यांनी युतीसंदर्भात आपल्या पदाधिकाऱ्यांना दिलेल्या आदेशांमुळे नवा संभ्रम निर्माण झाला आहे.

raj thackeray uddhav thackeray
Pune: 'मला पप्पी दे, माझ्याकडे पैसे आहेत'; ७३ वर्षीय वृद्धाकडून २७ वर्षीय तरूणीचा विनयभंग, पुण्यात खळबळ

मनसेप्रमुख राज ठाकरे यांनी आपल्या पदाधिकाऱ्यांना युतीविषयी कोणतीही वक्तव्ये करू नयेत, असे स्पष्ट आदेश दिल्याची माहिती समोर आली आहे. कोणत्याही नेत्याने युतीबाबत काही बोलायचे असल्यास, आधी माझी परवानगी घ्यावी, असे निर्देश त्यांनी दिले आहेत. त्यामुळे दोन्ही पक्षांच्या युतीसंदर्भात पदाधिकारी आणि कार्यकर्त्यांमध्ये संभ्रम असल्याची माहिती आहे.

raj thackeray uddhav thackeray
Beed: सप्तश्रृंगी देवीच्या मिरवणुकीत अघोरी प्रकार, अजित पवार गटाच्या नेत्यानं रस्त्यावर कोंबडा कापला अन् हळद कुंकू वाहून..

राज ठाकरेंनी आपल्या भाषणात, मराठी माणसाची एकजूट आणि स्वर्गीय बाळासाहेब ठाकरे यांचं स्वप्न पूर्ण व्हावं, असे भावनिक आवाहन यावेळी त्यांनी केले. पण भविष्यात युती कायम राहील, याबाबत त्यांनी कोणतेही ठोस विधान केले नाही. उद्धव ठाकरे यांच्याकडून युतीसाठी पुढाकार घेतला जात असला तरी, राज ठाकरेंची भूमिका अंतिम आणि निर्णायक ठरणार आहे, असे राजकीय वर्तुळात बोलले जात आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Marathi News | Saam TV
saamtv.esakal.com