वर्ध्यात हिंगणघाट मार्गावर बस आणि ट्रेलरची जोरदार धडक झाल्याची घटना घडलीये.
या भीषण अपघातात १०-१२ प्रवासी जखमी झाले आहेत. तर चालकही गंभीर जखमी झाला आहे.
वर्ध्यातील धोत्रा चौकातील पेट्रोलपंपाजवळ ट्रेलरने बसला धडक दिली.
पोलिस आणि नागरिकांनी मिळून जखमींना तातडीने रुग्णालयात दाखल केले.
चेतन व्यास, साम टीव्ही
वर्धा : वर्धा जिल्ह्यातील हिंगणघाट मार्गावरील धोत्रा चौरस्त्यावर भीषण अपघात झाल्याची घटना घडली आहे. या धोत्रा चौरस्ता येथे बस आणि ट्रेलरची धडक झाली. या धडकेत बसचालकसह दहा ते बारा प्रवासी जखमी झाल्याची माहिती मिळाली आहे. यात बस चालक गंभीर जखमी झाला आहे.
मिळालेल्या माहितीनुसार, वर्धा येथून बस हिंगणघाट येथे जाणारा ट्रेलर धोत्रा चौरस्तावरील पेट्रोलपंप येथून डिझेल भरून निघत असताना अपघात झाला. ट्रेलर पेट्रोल पंपावरून रस्ता न बघता ओलांडताना अपघात झाला. अपघातानंतर बसमधील जखमीना तातडीने पोलिसांच्या आणि नागरिकांच्या मदतीने रुग्णालयात हलविले.
अपघातातील जखमींना वर्धेच्या सेवाग्राम रुग्णालयात दाखल करण्यात आले. अपघातमुळे मार्गांवरील वाहतूक काही वेळ खोळंबली. अल्लीपूर पोलीस निरीक्षक विजय घुले यांनी घटनास्थळी जातं वाहतूक सुरळीत केली.
अपघात कुठे झाला आहे?
वर्धा जिल्ह्यातील हिंगणघाट मार्गावरील धोत्रा चौकात अपघात झालाय.
अपघात कशामुळे झाला?
ट्रेलर चालकाने रस्ता न पाहता पेट्रोलपंपावरून निघताना बसला धडक दिल्याची माहिती मिळाली आहे.
किती जण जखमी झाले?
या अपघातात सुमारे १० ते १२ प्रवासी जखमी झाले आहेत. बस चालक देखील गंभीर जखमी आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.