वाल्मिक कराडने तुरुंगातून फोन केल्याचा बजरंग सोनवणेंचा दावा
विलास घुले हत्या प्रकरणात सौरभ सोनवणेला अडकवण्याचा कट
बजरंग सोनवणेंनी पत्रकार परिषदेत ऐकवली ऑडिओ क्लिप
वाल्मिक कराडच्या कथित ऑडिओ क्लिपमुळे खळबळ
बीडमधील विलास घुले यांच्या हत्या प्रकरणाबाबत राष्ट्रवादी काँग्रेस शरद पवार गटाचे खासदार बजरंग सोनवणे यांनी धक्कादायक खुलासा केला आहे. वाल्मिक कराडने तुरूंगातून फोन करून माझा मुलगा सौरभला विलास घुले प्रकरणात अडकवण्याचे आदेस दिले, असा आरोर खासदार बजरंग सोनवणे यांनी केला. वाल्मीक कराडचा कारागृहातून बाहेर फोन आला असल्याचा दावा करत बजरंग सोनवणे यांनी भर पत्रकार परिषदेत थेट कॉल रेकॉर्डिंग ऐकवली.
खासदार बजरंग सोनवणेच्या पोराला विलास घुले खून प्रकरणात अडकवा, त्याच्यावर गुन्हा दाखल कर. विलास घुलेचा मृतदेह पोलीस ठाण्यात ठेवा, टाकीवर चढा तुला भगवान बाबाची शपथ पण त्या गाबड्याला अडकवा असं वाल्मीक कराड या फोन रेकॉर्डिंगमध्ये बोलत असल्याचे ऐकू येत आहे. या रेकॉर्डिंगमध्ये समोरची व्यक्ती जी आण्णा जी आण्णा असं म्हणत आहे.
केज तालुक्यातील टाकली फाट्यावर असलेल्या हॉटेलबाहेर विलास घुलेची हत्या करण्यात आली होती. या हत्या प्रकरणात गुन्हा दाखल करण्यात आला असून आतापर्यंत १० जणांना अटक करण्यात आली आहे. या हत्याकांडामागे खासदार बजरंग सोनवणे यांचा मुलगा सौरभ सोनवणे याच्यावर अनेक आरोप करण्यात आले आहेत.
वाल्मीक कराड - हॅलो काय चाललंय? सुग्रीव भाऊ बर आहे का?
सुग्रीव कराड - हो.
वाल्मीक कराड - त्या प्रकरणांमध्ये त्यांना सोडू नका.
सुग्रीव कराड - आदेश सांगा फक्त अण्णा.
वाल्मीक कराड - त्या बाकीच्यांवरती केसेस करावे लागत आहेत.
वाल्मीक कराड - तुझे आणि माझे चांगले संबंध आहेत त्या गाबड्यामुळे माझ्या घुसमट गुंतून ठेवले आहे.
वाल्मीक कराड - त्या माय घाल्यांवर खुनाचा गुन्हा दाखल झाला पाहिजे
सुग्रीव कराड - पीआय गुन्हा दाखल करून घेत नाहीत तो आय घालत आहे.
सुग्रीव कराड - आम्ही पोलीस स्टेशन मध्येच आहोत.
वाल्मीक कराड - तुझ्या मनातला काही राग दोष असेल तर काढून टाक आपण सगळे एक आहोत.
वाल्मीक कराड - आपण एक आहोत आपल्यामध्ये भगवान बाबांचे रक्त आहे.
वाल्मीक कराड - तुला हात जोडतो विनंती करतो.
सुग्रीव कराड - हो हो तुम्हाला झालं की कळवतो.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.