नवीन हिट अँड रन कायदाच्या (New Hit And Run Law) विराेधात राज्यभरात ट्रक चालकांतून संताप व्यक्त केला जात आहे. हा नवा हिट अँड रन काळा कायदा आहे. हा कायदा त्वरित रद्द करावा अशी मागणी सरकारकडे विरोधी पक्षनेते विजय वडेट्टीवार (vijay wadettiwar) यांनी साम टीव्हीशी बाेलताना दिली आहे. (Maharashtra News)
नव्या हिट अँड रन कायद्याच्या (New Hit And Run Law) विराेधात आजही (मंगळवार) राज्यभरात ट्रक चालकांनी संप (truck driver strike) सुरुच ठेवला आहे. यामुळे राज्यातील अनेक जिल्ह्यात इंधन, भाजी पूरवठा, धान्य पूरवठा यावर परिणाम झाला आहे.
वाहतुकदारांनी सुरु केलेले हे आंदाेलन याेग्य असल्याचे मत विरोधी पक्षनेते विजय वडेट्टीवार यांनी नाेंदविले. ते म्हणाले वाहनचालक रस्त्यावर उतरून आंदोलन करत आहे. त्यामुळे इंधनाचा तुटवडा आणि जनजीवन विस्कळीत होत आहे.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
तरी सरकारला जाग येत नसेल तर हा नाकर्तेपणाचा कळस आहे, अशी टीका वडेट्टीवार यांनी केली आहे. सोबतच या आंदोलनाला पाठिंबा दिला असून जोपर्यंत कायदा रद्द होत नाही तोपर्यंत आंदोलन सुरू ठेवावे आणि आमचा त्याला पूर्ण पाठिंबा आहे, अशी प्रतिक्रिया वडेट्टीवार यांनी दिली आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
