जिल्हा परिषद शाळेतील विद्यार्थ्यांचा खदानीत बुडून मृत्यू, गावावर शाेककळा

- अक्षय शिंदे

जालना येथील मंठा तालुक्यातील हेलस शिवारात खदानीत पोहण्यासाठी गेलेल्या दोन मुलांचा बुडून मृत्यू झालाची दुदैवी घटना घडली. वेदांत गणेश खराबे (वय 13), प्रणव भाऊसाहेब खराबे (वय 13, दोघे राहणार हेलस, ता. मंठा) अशी मृतांची नावे असल्याची माहिती पाेलिसांनी दिली.

गत आठवड्यापासून मंठा आणि परिसरात पावसाने दमदार हजेरी लावली आहे. त्यामुळे या भागातील खदानींमध्ये पाणीसाठा उत्तम झाला आहे. खदानीत पाेहण्याचा आनंद लुटण्यासाठी अबालवृद्ध येत असतात.

हेलस येथील जिल्हा परिषद शाळेतील आठवीत शिकणारे वेदांत खराबे व प्रणव खराबे ही दोन मुलं गावच्या शिवारातील खदानीत पोहण्यासाठी गेले होते. काही वेळानंतर दाेन्ही मुले खदानीत बुडाली. यामुळे परिसरात एकच खळबळ उडाली. दाेन्ही मुलांच्या मृत्यूने हेलस गावात शाेककळा पसरली.

Edited By : Siddharth Latkar