मोठी बातमी! पाकिस्तानी सौंदर्य प्रसाधनाचा साठा जप्त, तुकाराम मुंढेंच्या FDA ची धडक कारवाई, राज्यात खळबळ

संजय सूर्यवंशी | नांदेड प्रतिनिधी | साम टीव्ही मराठी

FDA Seizes Pakistani Cosmetic Products : तुकाराम मुंढे यांनी अन्न व औषध प्रशासन विभागाच्या आयुक्तपदाची सुत्रे स्वीकारल्यापासून राज्यात धाडीचे सत्र सुरू झाले आहे. FDA च्या पथकांकडून राज्यभरात भेसळयुक्त पदार्थांवर धाडी टाकल्या जात आहेत. अनेक हॉटेलवर कारवाई करण्यात आली आहे. आता नांदेडमध्ये FDA ने टाकलेल्या धाडीत चक्क पाकिस्तानी सौंदर्य प्रसाधनाचा साठा जप्त करण्यात आला आहे. FDA च्या या धाडीनंतर राज्यभरात खळबळ उडाली आहे. पाकिस्तानी सौंदर्य प्रसाधने नांदेडमध्ये आली कुठून? असा सवाल उपस्थित केला जात आहे.

नांदेड शहरातील मन्यार गल्ली येथून 50 ते 60 लाखांची पाकिस्तानी सौंदर्य प्रसाधने जप्त करण्यात आली आहे. FDA आणि नांदेड पोलिसांनी आज संयुक्त कारवाई केली. पोलिसांनी एका व्यक्तीला ताब्यात घेतले असून त्याची चौकशी कऱण्यात येत आहे. नांदेडमध्ये पाकिस्तानी सौंदर्य प्रसाधने आली कुठून? असा सवाल उपस्थित केला जात आहे. पोलीस याची कसून चौकशी करत आहेत. यामध्ये आणखी कुणाचा सहभाग आहे का? याचाही तपास केला जात आहे.

नांदेड शहरात देखील पाकिस्तानी सौंदर्यप्रसाधने विक्री केली जात असल्याचा प्रकार उघड झाला. रात्री FDA आणि नांदेड पोलिसांनी संयुक्त कारवाई करत पाकिस्तानी सौंदर्य प्रसाधनाचा मोठा साठा जप्त केला. नांदेड शहरातील मन्यार गल्ली येथे ही कारवाई करण्यात आली. मन्यार गल्ली भागात एका गोडाऊनमध्ये पाकिस्तानी सौंदर्य प्रसाधनाचा साठा असल्याची माहिती FDA आणि पोलिसांना मिळाली . त्यावरून fda आणि पोलिसांनी या भागात धाड मारली , तेव्हा एका गोडाऊन मध्ये मोठ्या प्रमाणात पाकिस्तानी सौंदर्यप्रसाधनाचा साठा आढळला.

FDA आणि पोलिसांनी हा साठा जप्त केला.गोडाऊन मालकाला ताब्यात घेण्यात आले.याबाबचा अधिक तपास सुरू आहे. दरम्यान एकूण 37 प्रकारची पाकिस्तानी सौंदर्य प्रसाधने या ठिकाणी आढळली. जवळपास 50 ते 60 लाख रुपयाचा हा साठा असल्याचा प्राथमिक अंदाज आहे. घटनास्थळी पोलीस अधीक्षक निलाभ रोहन यांनी भेट देऊन पाहणी केली. सध्या कारवाई सुरू असून पूर्ण कारवाई झाल्या नंतर अधिक तपसील देऊ अस पोलीस अधीक्षक निलाभ रोहन म्हणाले.