Crime : भयानक! १९ वर्षांच्या पत्नीला हेल्मेटनं ठेचून मारलं, लग्नानंतर ४ महिन्यात नेमकं काय झालं?

Karnataka newly married woman murder case : १९ वर्षांच्या पत्नीला पतीने हेल्मेटने ठेचून मारल्याची धक्कादायक घटना कर्नाटकमधील हुबळीजवळ घडली. लग्नानंतर फक्त ४ महिन्यातच पतीने पत्नीची हत्या केल्याने एकच खळबळ उडाली. दोघांमध्ये नेमकं काय झालं? सुखी संसाराची सुरूवात झाली असतानाच पतीने पत्नीची निर्घृण हत्या का केली? अशी चर्चा परिसरात सुरू झाली आहे.

मृत महिलेचे नाव नागारत्ना हेलेमनी असे आहे. तर आरोपी पतीचे नाव शिवराज असे आहे. फेब्रुवारी २०२६ मध्ये नागारत्ना आणि शिवराज यांचं थाटमाटात लग्न झालं होते. शिवराज हा हुबळीजवळील तरीहाल गावातील आहे, तर नागारत्ना ही इब्राहिमपूरमधील आहे. ४ महिन्यांपूर्वी दोघांचे लग्न झाले होते. सुखी संसाराची स्वप्न पाहून शिवराजच्या घरी आलेल्या नागारत्नाची हत्या झाल्याने कुटुंबावर दुखाचा डोंगर कोसळला आहे.

नागारत्नाच्या कुटुंबियांनी शिवराजच्या विरोधात पोलिसांत धाव घेतली आहे. पोलिसांनी नागारत्नाचा मृतदेह ताब्यात घेतला असून पोस्टमार्टमसाठी पाठवला आहे. पोलिसांनी गुन्हा दाखल केला असून तपास सुरू केला आहे. लग्नाच्या ४ महिन्यातच शिवराजने नागारत्नाला का मारले? याची चौकशी करण्यात येत आहे.

नेमकं काय झालं?

पोलिसांनी दिलेल्या माहितीनुसार, बुधवारी शिवराज आणि नागारत्ना यांच्यामध्ये क्षुल्लक कारणांवरून वाद सुरू झाला होता. हा वाद वाढत गेला अन् संतापलेल्या शिवराजने जवळच असलेल्या हेल्मेटने नागारत्ना हिच्यावर हल्ला केला. शिवराजने हेल्मेटने नागारत्नाच्या पाठीत, डोक्यात सपासप मारले. या हल्ल्यात नागारत्ना गंभीर जखमी झाल्या अन् जमिनीवर कोसळली अन् जागेवरच मृत्यू झाला.

पोलिसांनी नेमकं काय सांगितले ?

४ महिन्यांपूर्वी दोघेंचे लग्न झालं होतं. बुधवारी दोघांमध्ये अचानक वाद झाला. या वादातून पतीने पत्नीच्या डोक्यावर हेल्मेटने मारहाण केली. यामध्ये पत्नीचा मृत्यू झाला, असे पोलीस अधीक्षक गुंजन आर्या यांनी सांगितले. दरम्यान, पोलिसांनी शिवराजला पोलिसांनी अटक केली आहे. या प्रकरणात पोलिसांनी ५ जणांना अटक केली असून पुढील तपास सुरू आहे.