इंजिनिअरिंग,पॉलिटेक्निकसह आयटीआयच्या शेकडो विद्यार्थ्यांचा महावितरण कार्यालयापुढे ठिय्या (पाहा व्हिडिओ)

- रामनाथ ढाकणे

महावितरणने रद्द केलेली भरती विधानसभा निवडणुकीपूर्वी घ्यावी या मागणीसाठी आज (गुरुवार) छत्रपती संभाजीनगर येथे शेकडाे विद्यार्थ्यांनी महावितरण कार्यालयासमाेर आंदाेलन केले. त्यापूर्वी विद्यार्थ्यांनी क्रांती चौक ते महावितरण कार्यालय असा मोर्चा काढला हाेता.

या आंदाेलन प्रसंगी विद्यार्थी आणि विद्यार्थिनी यांनी वेगवेगळ्या प्रकारचे फलक हातात घेऊन महावितरण अधिका-यांसह सरकारचे लक्ष वेधण्याचा प्रयत्न केला. यामध्ये आमच्या आई-वडिलांनी केलेला खर्च परत द्या आणि परीक्षा नाही तर नोकरी नाही असा आशय फलकांवर हाेता.

या आंदाेलनात पॉलिटेक्निक, इंजिनिअरिंग आणि आयटीआयच्या विद्यार्थ्यांचा माेठ्या संख्येने सहभाग हाेता. सुमारे एक ते दीड तास विद्यार्थ्यांनी आंदाेलनस्थळी घाेषणाबाजी केली. यावेळी कायदा व सुवव्यस्था अबाधित राहावी यासाठी पाेलिसांनी बंदाेबस्त ठेवला आहे.

Edited By : Siddharth Latkar