- विनायक वंजारे
कार पार्किंगच्या वादातून आंबोली घाट धबधबा परिसरात पर्यटकांच्या दोन गटात राडा झाला. या राड्यानंतर पोलिसांनी गडहिंग्लज आणि सावंतवाडी येथील 29 पर्यटकांवर गुन्हा नाेंदविला आहे. या घटनेचा आंबाेली पाेलिस तपास करीत आहेत.
पाेलिसांकडून मिळालेल्या माहितीनूसार आंबोली येथील मुख्य धबधब्यानजीक रस्त्यावर वाहन लावल्यावरून गडहिंग्लज येथून आलेले पर्यटक आणि सावंतवाडीतील पर्यटकांमध्ये वाद झाला. या वादाचे रुपांतर मारामारीत झाले.
तेथे कार्यरत असलेले पाेलिसांनी दोन्ही गटांना हटकले. पाेलिस आल्याचे पाहताच गडहिंग्लज गटातील काही पर्यटकांनी जंगलात पळ काढला. तर सावंतवाडीच्या पर्यटकांनी आंबोली पोलिस दूरक्षेत्रात धाव घेतली.
दाेन्ही गटातील एकूण 29 पर्यटकांवर सार्वजनिक ठिकाणी शांतताभंग करणे, जिल्ह्यात मनाई आदेश असताना त्याचे उल्लंघन करणे, पोलिसांसमक्ष दंगा करणे (भादंवि कलम १६० व महाराष्ट्र पोलीस अधिनियम कलम १३५ प्रमाणे) गुन्हा दाखल करण्यात आला आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.