- विनायक वंजारे
वर्षा पर्यटनासाठी आंबोलीत येणाऱ्या पर्यटकांना आता घाट व धबधबा परीसरात स्वच्छता राखावी लागणार आहे. अन्यथा पर्यटकांवर दंडात्मक कारवाई केली जाणार आहे. याबराेबरच येथील प्राण्यांना विशेषत: माकडांना (वानर) खाऊ घालण्यावर बंदी घालण्यात आली. सावंतवाडी वनविभागाने नुकतीच आंबाेली घाटात व धबधबा पाहण्यास येणा-यांसाठी नियमावली जाहीर केली आहे.
सावंतवाडी वन विभागाच्यावतीने आंबोली घाट व धबधबा परिसराची नुकतीच स्वछता मोहीम राबविण्यात आली. या स्वछता मोहिमे अंतर्गत घाट रस्ता दुतर्फा परिसराची स्वच्छता करण्यात आली. या स्वच्छता मोहिमेत वनविभाग व स्थानिक स्टाॅलधारक व ग्रामस्थांनी सहभाग घेतला.
दरम्यान वर्षा पर्यटनासाठी आंबोलीत येणाऱ्या पर्यटकांना आता घाट व धबधबा परीसरात स्वच्छता राखण्यास बंधनकारक करण्यात आले आहे. त्यासाठी नियमावली जाहीर करण्यात आली आहे.
अशी आहे नियमावली
आंबोली घाटात कचरा टाकणाऱ्यांवर दंडात्मक कारवाई हाेणार.
एक हजार रूपये दंडाची तरतूद.
माकड (वानर) यांना खाऊ घालण्यावर बंदी.
खाऊ देताना आढळल्यास एक हजार रूपयांचा दंड भरावा लागणार.
राखीव संवर्धन क्षेत्रात दंगा, गाेंधळ करु नये.
आंबोली घाटातील जैवविविधता टिकविण्याची पर्यटकांवरही जबाबदारी.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
