Nagpur Goa Shaktipeeth Expressway: शेतक-यांना चौपट मोबदला द्या, अन्यथा भूसंपादन करू देणार नाही; राजू शेट्टींचा इशारा

- रणजीत माजगावकर

रत्नागिरी - नागपूर राष्ट्रीय महामार्गाच्या कोल्हापूर जिल्ह्यातील चोकाक ते अंकली या महामार्गातील शेतक-यांना चौपट मोबदला मिळाल्याशिवाय भुसंपादन करू देणार नाही, याबाबतीत शासनाने आपली भुमिका स्पष्ट करावी मगच मोजणीबाबत कार्यवाही करावी अशी ठाम भुमिका स्वाभिमानी शेतकरी संघटनेचे नेते राजू शेट्टी घेतली आहे. जिल्हाधिकारी कार्यालयात झालेल्या बैठकीत राजू शेट्टी यांनी आपली भूमिका मांडली.

शेट्टी म्हणाले विकास कामांना शेतक-यांचा विरोध नाही मात्र शेतक-यांची थडगी बांधून विकास करता येणार नाही. प्रशासन व सरकार दोघेही वेळकाढूपणा करू लागल्याने हा प्रकल्प रखडू लागला आहे. महाविकास आघाडी सरकारने भुसंपादन कायदा बदलला यामुळे शेतक-यांच्यी राखरांगोळी झाली.

राजू शेट्टी पुढं बाेलताना म्हणाले शेतकरी वारवांर चौपट मोबदल्यासाठी हेलपाटे मारूनही याबाबत शासनाकडून कोणतीच कारवाई करण्यात आली नाही. प्रशासनाकडून जबरदस्ती पोलिस बळाचा वापर करून मोजणीबाबत राष्ट्रीय महामार्ग प्राधिकरण यांचेकडून कार्यवाही करण्यात येत आहे.

Edited By : Siddharth Latkar