- रणजीत माजगावकर
कोल्हापूर जिल्ह्यातील हडलगे गावातील तीन लहान मुलांना बांधून मारहाण केल्याची घटना बुधवारी घडली हाेती. या घटनेचे वृत्त साम टीव्हीने प्रसारित केले हाेते. साम टीव्हीच्या वृत्ताची दखल राज्य बाल हक्क संरक्षण आयोगाने घेतली. संबधित व्यक्तीवर गुन्हा दाखल करून कारवाईचा अहवाल देणाच्या सूचना आयाेगाने केल्याची माहिती राज्य बाल हक्क संरक्षण आयोगाच्या अध्यक्षा सुशीबेन शहा यांनी साम टीव्हीशी बाेलताना दिली.
पोल्ट्रीतील पाण्याच्या टाकीत पाईप क्लिनिंगचे केमिकल टाकून आणि पोल्ट्रीमध्ये पाणी सांडून नुकसान केल्याच्या कारणावरून 12 ते 13 वयोगटातील तीन अल्पवयीन मुलांचे हातपाय दोरीने बांधून त्यांना मारहाण केल्याची घटना बुधवारी उघडकीस आली होती.
दरम्यान या प्रकरणी गडहिंग्लज तालुक्यातील हडलगे येथील विजय सुभाष कुंभार याच्याविरुद्ध नेसरी पोलिस ठाण्यात गुन्हा दाखल केला. पाेलिसांनी विजय सुभाष कुंभार यास अटक केली.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
