Old Pune Mumbai Highway Traffic: वडगावमधील मातोश्री चौकात ग्रामस्थांचा रास्ता राेकाे, जाणून घ्या जुना मुंबई- पुणे महामार्गावरील वाहतुकीची स्थिती

वडगाव मधील मातोश्री चौकात वारंवार घडणारे अपघात राेखण्यासाठी उपाययाेजना कराव्यात या मागणीसाठी आज जुना मुंबई पुणे महामार्गावरील वडगाव येथील मातोश्री चौकात सर्वपक्षीय पदाधिकारी, कार्यकर्ते तसेच ग्रामस्थांनी आज (गुरुवार) रास्ता रोको आंदोलन छेडले. यामुळे जुना मुंबई पुणे महामार्गावरील वाहतुक एक तास खाेळंबली हाेती.

जुना मुंबई पुणे महामार्गावर बुधवारी वडगांव चौकात मालवाहू कंटेनरच्या विचित्र अपघातात एक महिला ठार झाली हाेती. या घटनेत कंटेनर चालकही गंभीर जखमी झाला हाेता. आज या घटनेच्या निषेधार्थ आणि रस्ता दुरुस्ती ग्रामस्थांनी रास्ता रोको आंदोलन केले.

या आंदोलनामुळे जुना मुंबई पुणे हायवेवरील वाहतुक एक तास ठप्प झाली. यावेळी आंदोलकांनी माताेश्री चाैकात अनेक वेळा छाेटे माेठ अपघात झाले आणि हाेताहेत मात्र आरआयबी याकडे दुर्लक्ष करीत असल्याचा आराेप केला.

दरम्यान एमएसआरडीसीच्या अधिकाऱ्यांनी आंदाेलकांना आजपासून उपाययाेजना आणि कामाला सुरुवात केली जाईल असे आश्वासित केल्यानंतर आंदाेलकांनी रास्ता राेकाे मागे घेतला. तब्बल एक तासानंतर जुना मुंबई पुणे हायवेवरील वाहतुक सुरऴीत झाली.

Edited By : Siddharth Latkar