धुळे शहरात एक भीषण अपघात झाल्याची घटना घडली आहे. येथे एका भरधाव ट्रकने वाहनांना जोरदार धडक दिली. ज्यात एकाचा जागीच मृत्यू, तर तीन जण गंभीर जखमी झाल्याची माहिती मिळत आहे. भरधाव ट्रकने वाहनास जवळपास अर्धा ते एक किलोमीटर फरफटत नेलं, असं सांगण्यात येत आहे.
ट्रकचालकाने परिसरातील नागरिक पाठीमागे लागल्याने आणखी दोघांना उडवलं, असं सांगण्यात येत आहे. या अपघातात पत्रकार हर्षल भदाणे यांचा मृत्यू झाला आहे. तर तीन जण जखमी झाले आहेत. जखमींना उपचारासाठी रुग्णालयात दाखल करण्यात आलं आहे. मिळालेल्या माहितीनुसार, या घटनेनंतर पोलिसांनी दोन जणांना ताब्यात घेतलं आहे, ज्यातील एक हा ट्रकचालक आहे.
दरम्यान, आज वाशिममध्येही आज एक भीषण अपघाताची घटना घडली आहे. समोरून आडवा जाणाऱ्या ट्रॅक्टरला वेगात येत ऑटोने जोरदार धडक दिली. धडकेत ऑटो चालक गंभीर जखमी झाला असून ऑटोतील चार मुलं किरकोळ जखमी झाले आहेत. ही घटना वाशिमच्या रिसोड शहरात घडली आहे. यात ऑटोचालकाचा बेजबाबदारपणा सीसीटीव्ही कॅमेरात कैद झाला आहे.
रुपेश अशोक सरकटे, असे ऑटोचालकाचे नाव असून तो अपघातात गंभीर जखमी झाला आहे. त्याला रिसोड येथील ग्रामीण रुग्णालयात उपचारासाठी दाखल केले होते. आता त्याला पुढील उपचाराकरिता वाशिम येथे हलविण्यात आले आहे. या अपघातात ऑटोचे मोठे नुकसान झाले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.