अभिजीत सोनवणे, नाशिक
नाशिकमध्ये एका ६ वर्षांच्या मुलीचा सर्पदंश झाल्याने मृत्यू झाला आहे. या घटनेमुळे मुलीच्या कुटुंबीयांवर दुख:चा डोंगर कोसळलाय. तसेच संपूर्ण गावातून देखील हळहळ व्यक्त केली जात आहे.
आरोग्य केंद्रातील डॉक्टरांच्या हलगर्जीपणामुळे आमच्या मुलीचा मृत्यू झाला, असा आरोप तिच्या नातेवाईकांनी केला आहे. सध्या शाळेला उन्हाळ्याच्या सुट्ट्या लागल्या आहेत. सुट्टीमध्ये सर्वजण आपल्या गावी जातात. त्याचप्रमाणे ही चिमुकली देखील आपल्या मामाच्या गावी आली होती.
नाशिक तालुक्यातील चिंचोली फाटा येथे ती सुट्ट्यांमध्ये मामाच्या घरी आली होती. घराबाहेर खेळताना तिला सर्पदंश झाला. त्याने तिला अस्वस्थ वाटू लागले. त्यानंतर तिच्या आजोबांनी तिला उपचारासाठी शिंदे गावातील प्राथमिक आरोग्य केंद्रात दाखल केले.
यावेळी आरोग्य केंद्रातील डॉक्टरांकडून तिला तपासण्यासाठी विलंब करण्यात आला आणि दोन ते तीन गोळ्या देऊन तिला घरी जाण्यास सांगितले. मात्र घरी गेल्यानंतर त्रास होऊ लागल्याने तिला नाशिकच्या बाळासाहेब ठाकरे रुग्णालयात दाखल करण्यात आले.
त्यावेळी तिथल्या डॉक्टरांनी तिला तपासून मृत घोषित केलं. नातेवाईकांचे म्हणणं आहे की, शिंदे गावातील प्राथमिक आरोग्य केंद्रातील डॉक्टरांच्या हलगर्जीपणामुळे आमच्या बालिकेचा मृत्यू झाला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.